Kya Mujhe Blogging Nahi Karna Chahiye ? Self Thought

Posted on

Blogging karne ke doran bahut se aise situation aate hai jab hume lagta hai ki blogging karne hamare bas ki baat nahi or blogging karna chhod dena chahiye. Agar aapne apna new blog banaya hai to apne blog par traffic hasil karne ke liye aap bahut se tarike jarur aajmate honge lekin agar blog me traffic hi na aye to kya kare ? Blog par traffic na aana ek common problem hai lekin issay bhi kai jyada problem tab aati hai jab hum khud ke kaam se demotivate ho jate hai.

Kya Mujhe Blogging Nahi Karna Chahiye ? Self Thought

Aaj hum aapko aise hi kuch situations ke bare me batane wale hai jo aapne face jarur kiya hoga ya fir agar aap newbie blogger hai to aap ish situation ko jarur face karoge.. Hum aapko wo sabhi situation ke bare me isliye batayenge kyunki yahi wo situation hai jab koi blogger apne blogging me ki gai mehnat se dukhi ho jata hai or confuse ho jata hai ki kya mujhe blogging nahi karna chahiye?

Basically maximum blogger aise situation me blogging se quit kar lete hai or jis wajah se unhone blog banaya tha us wajah ko confusion ke chalte bhul jate hai.

Me jo bhi situation aapke sath share karne wala hu wo maine khud experience kiya hai , or apne experience ke basis par me aap se wo sabhi baatain share karna chahta hu jo maine us samay feel kiya tha or kaise maine situation ko handle kiya.. Taki aap pehle se prepare ho jao ki situation ko kaise handle karni hai…

Kya Mujhe Blogging Nahi Karna Chahiye ? Self Thought

Smart2Bloggign blog ko maine September 2017 me start kiya tha. Lekin basically meri blogging ki suruwat January 2016 me hui, jab maine apna first blog banaya.. January 2016 ko maine acchibaat.com blog banaya jo aaj bhi live hai. To friends overall dekha jaye to mujhe blogging karte huye almost 2 years se jyada ho chuke hai.. In 2 saalo me maine blogging se related wo sabhi knowledge gain kiya hai jisay express karne ke liye maine Smart2Blogging banaya hai..

Ye maine isliye aapko bataye kyunki kuch logo ko lagte hai ki agar aap Mahatma Gandhi ke bare me kuch likhe rahe ho to aapne Mahatma Gandhi ko jarur dekha hoga.. Agar aap hamare blog ke regular visitor ho to aapko pata hoga ki pehle maine apne blog par Adsense ad nahi lagaye huye the.. Or kuch din pehle me kisi Facebook fiends ka adsense problem solve kar raha tha, maine usay bahut sare suggestion diye ki kyun tumhare blog par ad show nahi ho rahe hai.. In the end unka reply aata hai ki pehle aap apne blog me Adsense ad laga do fir dusaro ko suggest karna… Us din me samajh gaye ki jo dikhta hai wahi bikta hai, agar mere blog pe adsense ad show ho rahe hai to me apne blog post ke jariye lakho ki earnign show kar sakta hu or log usay believe bhi karenge, lekin agar mere blog par adsense ad nahi show ho rahe or me adsense ke bare me information de raha hu to koi bhi meri baato par yakin nahi karega..

Is baat se me itna irritate ho gaye tha ki me surprise ho gaya ki log help chahte hai ya fir dusaro ko examine karne me lage huye hai.. I am better , i am best , your are my junior , i am follower , i am king.. Yaar ye kya ho raha hai….

Ye to normal si baatain hai jisay me ignore karna hi behtar samajhta hu, lekin sabhi mere jaise nahi hote.. Kuch log tension me aa jate hai ki aisa hua to kyun hua..

  • Blog me traffic nahi aa rahi hai to tension
  • Blog me comment nahi ho rahi hai to tension
  • Blog adsense ke liye approve nahi hua to tension
  • Blog adsense ke liye approve ho gaye par ad show nahi ho rahe to tension
  • Blog par adsense ad show ho rahe hai par us par koi click nahi karta to tension
  • Adsense ad par click ho rahe hai par cpc acchi nahi mil rahi to tension
  • Cps improve karne ka tension
  • Blog traffic improve karne ka tension

Itne sabhi tension ko lekar aap blogging kaise kar sakte ho. Inhi sabhi tension ko solve karne ke liye maine apne kuch blogging experience share karna chahta hu taki aap bhi blogging ke har situation me apne aapko motivate rakh sako.

Kya Mujhe Blogging Nahi Karna Chahiye ? Self Thought

Kisi bhi blogger ke liye ye sabse badi tension hoti hai ki uske blog pe jyada traffic nahi aati. Agar aap new blogger ho to aapke blog par traffic aane me samay lagta hai lagbhag 6 month to lagta hi hai. Jab maine blogging ki suruwat ki thi to new blog hone ki wajah se traffic nahi mil rahi thi. Jaise jaise mera blog old hota gaya or maine blogging karta gaya waise waise blog traffic improve hone lagi.

Kabhi ek din me 10-20 visitors aate the to kabhi 5-10 visitors. Mere blog par traffic improve hi nahi ho rahi thi. Me apne blog par daily post publish karta or khub mehnat ki, lekin mujhe aisa lagne laga ki kuch to problem hai jiski wajah se blog ki traffic improve hi nahi ho rahi.

Blog banaye huye mujhe 4 month ho chuke the or maine apne blog pe 100 se jyada post publish kar chuka tha. Traffic to improve nahi hui or mera adsense account bhi apporve nahi ho raha tha. Lekin 5 mahine bad mere blog pe first comment ne mere blogging energy ko boost kar diya.

Ye comment ne mere andar ke blogger ko fir se jinda kar diya. Or me samajh gaya ki sirf blog traffic or earning hi sab kuch nahi hai, balki agar aapko apne blog ke jariye logo se acche feedback milte hai to ye sabse badi baat hai. Waise bhi humne blog to aap logo ke liye hi banaya hai or agar aap khush to hum bhi khush 🙂

Blog traffic improve karne ke liye continue blogging karni hoti hai or blogging karne ke doran hume quality post bhi likhne hote hai. Lekin sabhi aisa nahi karte , Maine bhi apne first blog pe quality par dhyna nahi diya jiski wajah se mere adsense account bar-bar reject ho raha tha..

Jab mere 3rd time adsense account reject ho gaya tab me itna demotivate ho gaya ki mujhe kuch samajh me nahi aa raha tha ki kyun bar bar mera adsense account reject ho raha hai. 3 bar adsense application reject hone ke bad maine Adsense Forum ke jariye help maangi.

Jab mujhe Adsense Forum ke jariye response mila to me or bhi jyada demotivate ho gaye tha, unka kehna tha ki mera blog kabhi bhi adsense ke liye approve nahi hoga.. Kyunki mera blog bekar hai..

Aise response sun kar kisi ka bhi blogging karne ka maan nahi karega, but maine aise response ko positively liya or apne blogging par laga raha. At last mera adsense account 4th time me approve ho gaya.

Adsense approve hone ki khusi se behtar or kuch bhi nahi, maine apne blogging ke doran bahut si situation aisi dekhi thi jab maine blogging se quit karne ka socha, but blogging karne ka passion aaj bhi mujhe motivate karta hai.

Ab mera adsense account approve ho gaya tha or meri earning bhi start ho gayi thi, lekin adsense ki cpc kam hone ki wajah se acchi earning nahi ho pa rahi thi. Tab maine fir se Adsense Forum me help mangi.. Waise mujhe adsense forum kabhi accha hi nahi lagta , kyunki yaha aapko koi bhi motivate nahi karega, jo log adsense forum follow karte hai unme se maximum log blogging karna chhod dete hai..

Jab maine Adsense Forum me apne cpc ko lekar question kiya to mujhe kuch is tarah response mila.

Agar aapko English samajh me aati hai to aap samajh hi gaye honge ki unhone kaisa response diya tha.. Aisa response agar aapko milta to aap kya karte ? Jahir si baat hai ki koi bhi tension me aa hi jayega.. Us din ke bad se maine Adsense Forum me kuch bhi question nahi pucha, me samajh gaya tha ki Adsense Forum sirf blogger ko demotivate karne ka kaam karti hai.

Me blogging me laga raha or dhire dhire meri cpc bhi improve hone lagi.. Or Meri adsense earning aane lagi or isi ki wajah se maine apne job se bhi resign kar diya.. Adsense ka support ne mujhe is kabil bana diya ki me apne blog ke jariye acchi earning kar raha hu..

Waise ye baat bahut hi kam logo ko pata hai ki maine apne job se resign kiya hai sirf isliye ki main full time blogger ban saku.. Friends ye jitna aasan dikhta hai utna aasan nahi hai, lekin agar aap apne aap par bharosa karoge to duniya ki koi bhi takat aapko aage badhne se rok nahi sakti..

Acchibaat.com ko run kiye huye 2 saal ho chuke the, or me chahta tha ki maine jo blogging ke doran jo bhi problem face ki hai usay aapke sath share karu. Or isliye maine smart2blogging blog banaya. Smart2Blogging blog sirf aapko blogging karne ke bare me sahi tarika batane ka kaam karti hai…

S2B blog banane ke bad aap sabhi ke pyar or support ne mujhe or bhi jyada inspire kiya taki me aapko blogging me success pane ka sahi tarika bata saku.. S2B blog banane ke bad maine bahut se aise topic par post publish kiye jiske bare me internet par bahut se galat information share ki ja rahi hai..

Jo blogger bhai blogging me successful ho jate hai wo Facebook me jarur active rehte hai or unhi sabhi bloggers bhaiyo se friendship karne ke liye maine unhe friends request bhi bheja tha.. Friends request accept hua or …

maine unhe unfriend bhi kar diya.. Jab koi blogging me successful ho jata hai to uske andar ek attitude jarur aa hi jati hai jo ki normal si baat hai, lekin wahi attitude kisi ki feeling ko hurt bhi kar sakti hai.. Me kisi ko follow nahi karta na hi mujhe kisi ko follow karne ki jarurat nahi, me apne blogging par focus karta hu.. Waise bhi agar dekha jaye to blogging sikhane wale blog aapko internet par bahut mil jayenge jo aapko sahi se blogging karne ka tarike batati hai…

Lekin tab kya hoga jab aapke blog par usi blog ke owner bad comment kare.

Aise comment jab blog par hote hai to thoda bura to lagta hi hai lekin jab koi successful blogger blog par aisa comment karta hai to hasi aati hai.. Ab batao ki agar kisi ko blogging me support chahiye to kon dega ?

Note: ye comment jumedeen bhai ne nahi kiya hai, me Jumedeen bhai ko ache se janta hu or aap sabhi bhi jante honge.. ye sirf ek fake comment hai jo aise log karte hai jinhe dusaro ko badnam karne me maja aata hai..

Sabhi race me lage huye hai, sabhi ek dusare ko competitor samajhte hai..

Friends aapko lagta hoga ki me aapko ye sab kyun bata raha hu ? taki aapko ek clearly idea mil sake ki agar blogging me fail hona hai to blogging karna hi chhod ho, or jab tak aap blogging karte rahoge aapko rokne wal paida hi nahi hoga.. Blogging karne ke doran aise situation aate hai jab blogging karne ka maan nahi karta or aise situation bhi aate hai jab log aapko blogging karne se rokte hai..

In dono situation ko positively handle karne par hi aap ek blogger ban sakte ho. Me kisi bhi blogger ko follow nahi karta or yahi sabse badi wajah ki aaj tak me blogging se juda hua hu.. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

6 thoughts on “Kya Mujhe Blogging Nahi Karna Chahiye ? Self Thought

  1. रवि जी ब्लॉगिंग करना या नहीं करना हमारी मेहनत व आप जैसे लोगो की प्रेरणा पर निर्भर करता है। केवल मेहनत करने से ब्लॉगिंग नहीं की जा सकती क्योकि आपको प्रेरणा मिलनी ज़रूरी है चाहे हमे कैसे भी प्राप्त हो । इस कारण बिना मेहनत के ब्लॉग पोस्ट नहीं लिखा जा सकता है। इस कारण हम सभी ब्लॉगर को मेहनत करने के साथ प्रेरणा जरूर मिलनी चाहिए। प्रेरणा चाहे Earning दे या कोई Visitors या हमारा कोई दूसरा ब्लॉग ।

    लेकिन बहुत से Fake Comment किए जा रहे है खुद मुझे भी लोग नीचा दिखाने की कोशिश करते है लेकिन मेहनत जारी है क्योकि मेहनत करके ही हम उन लोगो की गाल पर तमाचा मार सकते है जो हमे नीचा दिखाने की कोशिश करते है।

    आपकी 100$ कमाने वाली पोस्ट पर जो जुमेदीन खान भाई के नाम से कमेंट किया गया था वो किसी ने Fake नाम से किया था । क्योकि ज़रा आप खुद सोचिए की Jumedeen Khan Bhai अपना नाम गलत क्यू लिखते । कमेंट में Jumedin Khan लिखा है जिससे साफ पता चलता है की किसी ने जुमेदीन खान को बदनाम करने की कोशिश की है।

    यहाँ तक मुझे पता है Jumedeen Khan एक अच्छे इंसान है जो Blogging पर Focus रखते है। किसी ने उनके नाम से Fake Comment किया है जिससे आपको बुरा लगे।

    आपकी मेहनत मुझे बहुत पसंद आती है जब मैंने Smart2Blogging को पहली बार Visit किया था तो मेरे सबसे मनपसंद ब्लॉग लिस्ट में यह उसी वक़्त शामिल हो गया था । इसी कारण मैं आपको ब्लॉग को Daily Visit करना हूँ।

    आप इन Fake Comment की बाते दिल व दिमाग में न रखे क्योकि यह हमे निराश करती है। इस कारण Focus On Blogging ।

    आपका भाई व ब्लॉग का पाठक

    1. Bhai aapne sahi kaha… Chahe koi bhi hamara support kare ya na kare hume unhe kabhi bhi nicha nahi dikhana chahiye… me abhi apne post ko update karta hu..

  2. मुझे उमीद है बहुत ही जल्दी smart2blogging.com पॉपुलर ब्लॉग की लिस्ट में सामिल होने वाला,जलने वाले जलते रहेंगे, लगे रहो, Happy Blogging, एक दिन ऐसा आयेगा जलने वाले के पास पछताने के सिवा कुछ नहीं बचेगा,तब उसके दिमाग में आयेगा कास अगर में उसपे जलता नहीं और में भी मेहनत करता तो कुछ कर सकता था.उस दिन उसके पास पछताने के सिवा कुछ नहीं बचेगा

Leave a Reply

Your email address will not be published. Required fields are marked *