Kya Sach Me Blogging Me Bahut Competition Hai ?

Posted on

453 total views, 3 views today

Kya Sach Me Blogging Me Bahut Competition Hai ? Hello friends kya aap blog banane ke bare me soch rahe ho ya fir aap ek blogger ho jo chahta hai ki blog ke jariye popularity hasil kaise kare. Blogging me bahut competition hai, blogging karna aasan nahi hai, blogging me bahut mehnat lagti hai.. Kya aap aisa sochte ho ? Aap internet par aise bahut se articles read kar chuke hoge jo blogging ke bare me information deti hai or ye bhi kehti hai ki blogging me competition bahut hai..

Haan ye sach hai or dekha jaye to ye sach bhi nahi hai. Aaj hum aapko wo sabhi information dene wale hai jisay aap clearly samajh sakte ho ki blogging me competition hai ya nahi. Isliye aap hamare article ko pura jarur read kare taki aapke mind me jo bhi blogging se related misunderstanding hai wo clear ho sake..

Kya Sach Me Blogging Me Bahut Competition Hai

Kya Sach Me Blogging Me Bahut Competition Hai ? Iska jawab janne se pehle aapko blogging ke bare me janna hoga, agar aap blogger ho to aap blogging ke bare me jante hi hoge. Lekin kya aapko sach me blogging ka matlab pata hai ? Nahi na, chaliye sabse pehle aapko blogging ka real meaning samjhate hai.

Blogging aakhir hai kya ?

Waise to blogging ka ek common meaning hota hai ki apne blog par article likhna or publish karna. Lekin blogging ka matlab ye nahi hota, blogging ka asal matla to tab pata chalta hai jab aapko blogging karte huye kai saal ho gaye hai. Agar aap kisi successful blogger se puchoge ki blogging kya hai to wo aapko iske bare me wo infomation dega jisay pane ke liye kai saal lag jate hai.

Jab maine blogging ki suruwat ki thi to me bhi bas yahi samajhta tha ki blogging matlab sirf article likho or publish karo.. Bas itna hi mujhe aata tha, lekin me aapse ek sawal karunge ki kya sirf apne blog par article likh kar publish karne se hi aap blogger kehlaoge ?

Aaj har saal lakho Engineers India se pass out hote hai lekin unme se bahut kam ko hi job milti hai, lekin jin logo ko job nahi mili kya wo engineer nahi hai. Thoda sochiye, blogging bhi isi tarah hai.. Jab koi apne blog banata hai to wo blogger kehlata hai, bhale hi wo apne blog par koi bhi article publish na kare lekin wo blogger hi hai.

Jab blogger apne blog par article likhta hai to wo apni writing skill ko improve karta hai, jaise jaise aap apne blog pe article likh ke publish karte jate ho waise waise aapki writing skill improve hoti jata hai. Writing karna sabke bas ki baat nahi hoti , lekin practice karne se aap apne blog ke jariye apni writing skill ko bahut jyada improve kar loge.

Mera manna ye hai ki blogging karna sirf aapke writing skill ko improve karne ka kaam karti hai, kyun ki aap apne blog ke first 30 article ko dekh sakte ho , unme kafi kamiya jarur hongi.. Starting me aisa hi hota hai writing skill ki kami hone ki wajah se article likhne or usay impressive banane me hum apne article ko aisa likh dete hai jisme quality hi nahi hoti. Overall dekha jaiye to blog aapki writting skill ko imporve karne ka kaam karti hai or apne blog par quality nahi balki high quality article likhne ko hi blogging kaha jata hai..

Quality article likhe ke liye aapko bahut sare low quality article likhne honge, or high quality article likhne ke liye aapko bahut sare quality article likhne honge. Kehne ka matlab ye hai ki blogging karna ka matlab hota hai ki apne blog par article likhna or jab hum blogging ki suaruwat karte hai to hum jo bhi article likhte hai wo low quality article hoti hai, dhire dhire writing skill imporve hota jata hai or article me quality aane lagti hai or aakhir me quality article likhte likhte hum high quality article likhne lagte hai..

Jab aap hamare smart2blogging blog ke starting article ko read karoge to aapko pata chalega ki hamare blog me jo bhi purane article hai usme quality nahi hai.

Ab ye aap par depend karte hai ki aap apne blog par High quality article likhne me kitna samay lagate ho. Kuch blogger apne blog me hamesa high quality article hi publish karte hai or unke blog ko popular hone ma jyada samay nahi lagta. Agar aap blog banana chahte ho to sabse pehle aapko apni writing skill improve karni hogi or iske kiye aapko hamesa article likhna hoga..

Jab aapki writting skill improve ho jayegi to aap apne blog par quality article or high quality article likh sakte ho. Or jab aisa hone lagega tab aap samajh jao ki aapka blog ab popular hone wala hai.

To sabse pehle hume apne blog ke jariye writing skill ko improve karna hota hai jisme aapko 3 mahine , 6 mahine ya fir ek saal bhi lag sakte hai.

To friends ab aapko samajh me aa gaya hoga ki blogging asal me hota kya hai. Ab chaliye aate hai apne main point me ki Kya Sach Me Blogging Me Bahut Competition Hai ?

Kya Sach Me Blogging Me Bahut Competition Hai ?

Dekhiye competition wahi hota hai jaha hume apne competitor ke bare me pata hota hai, or hum ye jante hai ki apne blog ke jariye hum apne sabhi competitor blog ko piche chhod sakte hai. Lekin sabse pehle aapko ye pata karna hoga ki aapke blog ka competitor blog hai kaun ?

Agar me baat karu MOTIVATIONAL blog ki to kya aap aise 10 motivational blog ke naam bata sakte ho jo top 10 list me hai ? Chaliye chhodiye aap khud apne blog ke niche (topic) ke hisab se hume ye bataye ki aapke blog se related top 10 blog ke naam aapko pata hai ? Me 101% guarantee ke sath keh sakta hu ki aapko nahi pata hoga.

Jab koi vyakti apna blog banata hai to wo kisi dusare blog se inspire hokar apna blog banata hai. Maan lijiye ki aapko ek motivational blog se ispire ho gaye ho to aap motivational blog banaoge, agar aap koi technical blog se inspire huye ho to aap apna ek technical blog banaoge.. etc etc

Aaj maximum jitne log bhi blog bana rahe hai wo MOTIVATIONAL BLOG hi hai.. Or motivational blog ki ek list banai jaye to ye lagbhag 1 lakh se upar hogi. Aapko kya lagta hai ki ye 1 lakh motivational blog me me kitne blog success huye honge ? Chaliye is sawal ka jawab hum aapko ek example de kar samjhate hai..

Example – 50 baccho ne class one me admission liya or class 2 me sirf 45 bacche pahuche matlab ki 5 bacche fail ho gaye, next time class 2 ke exam  me sirf 40 bacche pass huye or 5 bacche fail hogaye.. At last class 10th me sirf 2 hi bacche pahuche jo lagatar har exam me pass hote gaye.. Issay ye pata chalta hai ki starting me sabhi student ek hi class se apni study suru karte hai lekin dhire dhire ek ek karke sabhi student picche chhutate jate hai.. Aisa isliye hua kyun ki sabhi bacche ki learning or thinking ability alag alag hoti hai..

Blogging bhi isi tarah hai sabhi blogger start to ek jaisa hi karte hai lekin unme se bahut kam blogger aise hai jo blogging me success pate hai.. Jaisa ki maine aapse puche tha ki lagbhag 1 lakh motivational blog me se kitne blog success hote honge ? To iska jawab hai around 10-20.. Aap bhi sochte honge ki itna kam kaise ho sakta hai, Aisa isliye hai kyonki..

  • 80 % blogger ko pata hi nahi hota ki apne blog par kya likhe, jiski wajah se wo blogging karna hi chhod dete hai.
  • 15 % blogger ka blog ke jariye earning na hone ki wajah se wo apne blog par dhyan nahi dete or blogging se quit kar lete hai. Adsense approve na hona bhi ek bahut badi wajah hai ki log blogging chhod dete hai.
  • 5% blogger hi aise hote hai jo apne blog ko maintain kar pate hai or unhi me se bahut kam blogger success hote hai.

Yani ki aap jaisa sochte ho ki blogging me competition bahut jyada hai ye bilkul galat hai.. Agar me apne blog ki baat karu to mere blog ka niche hai Blogging , me apne blog par sirf blogging se related hi article publish karta hu.. Agar me apne blog ki competitor blog ki list banau jo sirf blogging ke bare me article likhte hai to top list me 20 blog hi honge sayad issay bhi kam..

Agar me directly apne competitor blog ko compete karne me lag jau to me kabhi bhi ek successful blogger nahi ban sakta. Kyunki jo blog already successful ho gaye hai usay compete karne se pehle aapko apne level ke blog ko compete karna hoga. Alexa ki help se aap apne blog se related dusre blog ke bare me jaan sakte ho jo aapke lavel me hai.

Bas aapko Alexa ki website me jana hai or apne blog ka url likh kar search karna hai.. Aapko aapke blog se related bahut se information milegi or aise aise related blog ke bare me aapko pata chalega jisay compete karna bahut aasan hota hai.. Aise hi aap apne level ke blog ke sath compete karte jaye or dhire dhire aapka blog bhi successful hota jayega..

Yaha me ek example dena chahunge isay jara dhyan se samjhe – Me jaha rehta hu waha lagbhag 10 coaching center hai jaha par students tution lete hai. Un 10 coaching center me se ek coaching center aisa hai jaha par sabse jyada student tuition lete hai. Jahir si baat hai ki wo coaching center ki earning bhi bahut jyada hogi.

Mere ek friends us coaching center se inspire hokar apna khud ka coaching center open kiya.. Uske mind me ek hi aim tha ki agar wo coaching center mahine me lakho kama sakta hai to main kyun nahi.. Coaching center open karne ke bad usay reality pata chali ki already pehle se 10 coaching center hai, or isi ki wajah se wo apne coaching center ko maintain nahi kar saka or kuch hi mahino me usne haar maan li.

Aisa isliye hua kyunki mere friend ne apne coaching center ko us coaching center se compare karne laga tha jo pehle se hi popular thi.. Agar wo aisa na karke un coaching centers ko compete karte jo uske lavel me hai to wo aaj nahi to kal is layak ho hi jata ki uski coaching center top me hoti.

Friends, blogger bhi aise hi hote hai wo jis blog se inspire hokar apna blog bana lete hai usi ko apna competitor samajh lete hai or yahi sabse badi wajah hai ki log sochte hai ki blogging me competition bahut jyada hai.

Agar aapko competition karna hi hai to sabse pehle apne level wale blog ke sath karo.. Aapko blogging karne me maja bhi aayega or aap kabhi demotivate bhi nahi hoge.

To blogger ko aisa kyun lagta hai ki blogging me bahut jyada competition hai ?

Blogging me competition hai hi nahi, jitna hum sochte hai ussay kahi jyada hum act karte hai. Agra koi popular blogger ne apne blog par likh diye ki blogging me competition bahut jyada hai to kya wo patthar ki lakir ho gai jise mitaya nahi ja sakta.

Blogger ko bahut badi misunderstanding hai jo ye sochne par majbur kar deti hai ki blogging me bahut jyada competition hai, or iski sabse badi wajah hai lack of learning ability.

Aaj internet par aisa koi topic nahi jiske bare me aap search karo or wo aapko na mile. Jab internet par sab article available hai to aapko blog banane ki kya jarurat, aap kaun sa kuch naya likh doge ? Aise mentality wale blogger ko hi blogging me competition najar aati hai or aise blogger kabhi bhi apne blog ke prati passionate nahi hote. Wo bas dusare blog ko read karte hai or aakir me ye decide kar lete hai ki BLOGGING MERE BAS KI BAAT NAHI.

CONCLUSION

Blog banane ke bad aapko-

  • Apni writing skill ko improve karna hota hai, jisme aapko 3 mahine se 1 saal ka samay laga sakta hai.
  • Writing sill improve hone ke sath sath aapke article me quality bhi aane lagti hai or ek din aap apne blog pe high quality article likhne lagte ho.
  • Overall dekha jaye to kisi bhi blog ko acche se run karne me or visitor gain karne me lagbhag 12 mahine se 18 mahine ka samay lagta hai.
  • Agar aap 1 saal tak regular apne blog par article likhte ho to 18 mahine bad aap khud apne blog ki performance dekh kar surprise ho jaoge..
  • Or aisa jab ho jayega tab aapko hamari baato par yakin jarur aayega.

To friends aaj ka hamara article aapko kaisa laga aap hume comment ke jariye jarur bataye. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

6 thoughts on “Kya Sach Me Blogging Me Bahut Competition Hai ?

  1. Bhai aapne to mere sabhi tension hi dur kar diye.. Bahut hi acche tarike se aapne wo sabhi basic concept ko clear kiya hai jisay koi bhi blogger samajh nahi pata.. Hats off to your blog. Me to aapke blog ka fan ho gaye.

Leave a Reply

Your email address will not be published. Required fields are marked *