Mere Blog Me Adsense Ad Nahi Dikh Raha , Kya Karu ?

Posted on

Apne blog ke jariye earn karne ka sabse behtar tarika hai Adsense. Adsense ke bare me aap jante to hoge or Adsense ad lagane ke liye apne apne blog par kafi mehnat bhi ki hogi. Adsense ad ko apne blog par lagane ke liye hum apne blog par kafi mehnat karte hai taki hamara blog adsense ke liye approve ho jaye, or adsense ad hamare blog par display ho.. Overall dekha jaye to adsense ad ke jariye hamari earning hoti hai.

Mere Blog Me Adsense Ad Nahi Dikh Raha , Kya Karu

Bahut se blogger bhaiyo ko ek major problem face karni padti hai ki blog par adsense ad show nahi ho raha hai. Iski bahut si wajah hai jo ki aaj aap jonoge. Blog par adsense ad show nahi hone ki wajah se blogging karne ka jo motivation hota hai ko bahut kam ho jata hai, jahir si baat hai aapne blog banaya earning karne ke liye or aise me agar adsense ad hi nahi show ho rahe to blogging karne ke liye motivation kaha se milega.

Bahut se log tension me aa jate hai ki aisa kaise ho gaye, maine to adsense ad code ko apne blog par lagaya hai fir bhi ad show nahi ho rahe.. In sabhi sawalo ka jawab or ye sabhi problem ko solve karne ke chakkar me hamara dhyan blogging karne me nahi lagta or hum apne blog post ko delete karne me , theme change karne me, ad code change karne me lage rahte hai, lekin result kuch bhi nahi milta.

To friends ab aapko tension lene ki jarurat nahi kyun ki aaj hum aapko wo sabhi reasons batane wale hai jiski wajah se aapke blog me adsense ad show nahi ho rahe or usay solve karne ke liye kya karna chahiye..

Mere Blog Me Adsense Ad Nahi Dikh Raha , Kya Karu ?

Niche hume wo sabhi reasons ke bare me bataya hai jiski wajah se adsense ad show nahi hote, in sabhi reasons ko samjhe or aap khud decide kare ki aage aapko karna kya hai.

Adsense account approve nahi hua hai

Jaisa ki aap sabhi jante ho adsense me registration karne ke bad hume apne blog pe adsense ad code use karna hota hai, ye sirf verification ke liye hota hai ki aapne jis blog ke liye adsense me apply kiya hai us blog par adsense ad code ho.

Maan lijiye ki aapne adsense ke liye apply kiya hai or aapne apne blog sidebar me adsense ad code lagaya hai. To aapke sidebar me blank ad show honge, yani ki aapke blog sidebar me sirf ek khali jagah show hoga or jab aapka adsense account approve ho jayega to ad show hone lagenge.

Suggestion – Adsense ke liye apply karne ke bad aapke blog par adsense ad show nahi hote, isliye aapko apne adsense approval tak ka interjaar karna hoga. Adsense approval ka information aapko email ke jariye bataya jata hai. Isliye aap apne mail check karte rahe.

Recently Adsense account approve hua hai.

Adsense approval hone ke turant bad adsense ad show nahi hote, adsense ad ko display hone ke liye 24 ghante ka samay lagta hai. Agar aapka adsense account recently approve hua hai or aapke blog par adsense ad nahi dikh rahe hai to aapko thoda wait karna hoga.

Hota ye hai ki Adsense aapke blog ko scan karne ke bad hi ad show karta hai, or is process me 1 hour, 2 hour ya fir 24 hour ka bhi samay lag jata hai. Isliye aapko thoda intejar karna chahiye.

Ad code sahi se nahi lagaya

Adsense ad code ko apne blog par lagane ke liye codding ka istemal karte hai jaise <div> tag, <iframe> tag.. Iski wajah se adsense ad show nahi hote. Agar aapne apna blog blogger.com me banaya hai to aap widget ka use kare or sirf ad code hi use kare, or agar aapne apna blog WordPress me banaye hua hai to aapko bahut se plugins mil jate hai jiski help se adsense ad lagaya jata hai.

Kehne ka matlab ya hai ki aap apne blog par jo sa adsense ad code lagao us ad code ke sath छेड़-छाड़ na kare.

Aapke browser ke wajah se ad show nahi ho rahe

Kai bar aisa hota hai ki browser me bahut sare catch file, history data, cookies store hone ki wajah se aapke blog par ad show nahi hote. Jab bhi aap apne browser ke jariye browsing karte ho to kuch data aapke browser me store hota hai, or yahi data jab bahut jyada ho jata hai to browser thik se kaam nahi karta or hota ye hai ki blog me ad bhi show nahi hote.

Aisi situation me aapko apne browser ke sabhi history, cookies or catch file ko delete karna chahiye. Jissay aapke browser ka performance improve hoga. Or agar browser ki wajah se aapke blog me ad nahi show ho rahe to aapke blog me ad show hone lagenge.

Aap cross check karne ke liye kisi dusare browser ke jariye apne blog ko open karke check  bhi kar sakte ho. Maan lijiye ki aap hamesa chrome browser hi use karte ho, to ek bar aap apne internet explores browser ke jariye apne blog ko open karke dekhe. Agar dusare browser ke jariye blog visit karne par ad show ho rahe hai to aapko samajh jana chahiye ki aapko apne browser ke sabhi data delete karna hai.

Aapke browser me ad blocker hai

Aaj kal bahut se aise browser extension or app hai jo aapke browser me show hone wale sabhi ad ko block karne ka kaam karte hai. Agar aapke browser me ad blocker install hai to aapko kisi bhi blog ya website par ad nahi najar aate.

Agar aapko aisa lagta hai ki aapke browser me ad blocker activate hai to aap sabse pehle kisi dusare blog ko visit karke dekhe , agar dusare blog par bhi ad nahi dikh rahe to aapko samajh jana chahiye ki aapke browser me ad blocker activate hai. Bas aapko apne browser ki setting me ja kar ad blocker ko deactivate karna hoga.

Aapke browser me JavaScript disable hai

Browser me JavaScript disable hone ki wajah se bhi ad show nahi hota. Adsense ad code me JavaScript hote hai , or agar aapke browser me JavaScript disable hai to koi bhi ad show nahi hoga. Isliye aap apne browser setting ko reset kare or apne blog ko check kare.

Catch plugin use karte ho

Apne WordPress blog ki speed improve karne ke liye hum catch plugin use karte hai or aise bahut se plugin already available hai jo hamare blog ke speed ko boost karne ka kaam karti hai. Agar aap bhi apne blog catch plugin use kar rahe ho to aapko ye to jarur pata hoga ki catch plugin aapke blog ke page ko compressed karke serve karne ka kaam karti hai taki aapka blog bahut jald open ho sake.

Catch plugin aapke blog ke sabhi page data ko compress karne ka kaam karti hai, or aise me agar catch data bahut jyada ho jate hai to aapke blog par ad show hona band ho jata hai.

Bas aapko apne catch plugin ka sabhi data ko delete karna hoga, or agar catch plugin ki wajah se aapke blog par ad nahi show ho rahe hai to catch delete karne ke bad ad dikhne lagega.

Adsense account disable ho gaya hai

Ye sabse major reason hai ki aapke blog par adsense ad show nahi ho rahe. Hota ye hai ki adsense approve ho jane ke bad hum apne blog par ad laga lete hai or bas apne blog me article publish karne me lage rahte hai. Or kuch samay ke bad jab hum apne blog ko visit karte hai to ad hi nahi show hota..

Khas kar new blogger jinka adsense account recently approve hua hai wo apne adsense account ko bahut lightly lete hai or kuch time ke bad jab adsense account disable ho jata hai to unko iski khabar hi nahi lagti.

Agar aapka adsense account disable ho gaya hai to iski information aapko email ke jariye di jati hai, or adsense disable hone ke bad aap apne adsense account me login nahi kar sakte. Agar aapka adsense account disable ho gaya hai to aap hamare niche diye gaye post ko read kare taki aapko pata chal sake ki aage karna kya hai..

Aapne apne address verify nahi kiya

Jab aapka adsense account approve ho jata hai or jab aap adsense ke jariye 10$ earn kar lete ho to adsense aapke ghar ke adress pe ek letter bejata hai jisme PIN code hote hai jisay verify karna hota hai. Issay hota ye hai ki adsense aapke diye gaye address ko verify kar pati hai , ki aap ek real adsense publiser ho or aapne jo address diya hai wo aapka hi hai.

Maan lijiye ki 1st august ko adsense ne aapke address pe letter bheja or 1 mahine ho gaye lekin aap tak wo letter nahi pahucha. To aise me aapke blog par adsense ad dikhna band ho jate hai.

Yani ki agar aap apne address ko varify nahi karte to aapke blog me adsense ad bhi show nahi hote. Isliye agar kafi samay ho gaya hai fir me aapko Adsense letter nahi mil rahi to aapko adsense setting me ja kar apne diye gaye address ko check karna chahiye , taki aapko ye pata chal sake ki aapne jo address diya hai kahi wo galat to nahi..

Agar aapne sahi address diya hai to aapko apne koi dusara adress de kar try karna chahiye.. Isme koi doubt nahi hai ki adsense aapko letter nahi bhejata, adsense letter bhejata hai lekin kuch reasons ki wajah se letter aap tak nahi pahuch pa rahi..

Aise me aap apne adress ko verify karne ke liye dusara address use kare or pin ke liye apply kare. Or jab aapka adress verify ho jayega to automatic aapke blog pe adsense ad show hone lagenge.

CONCLUSION

Friends adsense ad nahi dikhne ki jitni bhi wajah hai usay maine aapko bataya , or in sabhi reasons me se aapke blog ke liye jo reason sabse valid lagta hai usay follow kare or resolve karne ki kosis kare taki aapke blog me adsense ad show hone lage.

Agar aapko adsense ke related koi bhi information chahiye to aap hamare adsense category ko jarur visit kare or agar aap humse kuch puchna chahte hai to hume comment ke jariye puch sakte hai.. Hum aapko suri help karenge. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “Mere Blog Me Adsense Ad Nahi Dikh Raha , Kya Karu ?

Leave a Reply

Your email address will not be published. Required fields are marked *