Message to our S2B loyal readers

Posted on

255 total views, 12 views today

Friends aap sabhi logo ki wajah se hi aaj S2B blog aaj ish mukam par aa gaya hai jaha par aap sabhi ke sath ke bina ye possible hi nahi tha. Hamare kuch blogger bhai jo humare sath bahut pehle se jude hai unme se kuch blogger ne apna blog delete bhi kar kiya hai or unka blog abhi live nahi hai. Iski wajah bas yahi hai ki wo blogging karne me apna interest to dikhate hai lekin wo ye kabhi bhi nahi samajh pate ki blogging karna ek passion hona chahiye na ki interest , bas isi wajah ke karan aaj me aap sabhi s2b ke readers ke sath kuch important baatain discuss karne wala hu, taki aap samajh sako ki aap ek blogger ho or ek blogger hone ke nate aapko apne blog ke sath kya karna sahi rahega.

Message to our S2B loyal readers

Me kabhi nahi kehta ki aap hamare blog ko follow karo, follow karoge to aap dependent ho jaoge or ek blogger jo dusare blog par depend karta hai wo kabhi bhi apne blog par 100% nahi de sakta. Mere blog pe jitne bhi old visitors hai wo hamare blog ko follow karte hai or uske hisab se hi apne blog par focus karte hai, knowledge gain karna koi galat baat nahi par knowledge gain karne ke bad usay apne blog par implement karna hi sabse badi baat hoti hai.

Aaj maine aapko kuch bataya or aapne socha ki mujhe to ye pehle se hi pata tha or aapne usay skip kar diye.. To me yahi kehna chahunge ki kab tak aap skip karte rahoge, ek na ek din aap internet par aise aise post bhi read karoge jo aapko knowledge to degi or aap us knowledge ko gain bhi karoge lekin usay bhi aap skip kar doge.

Aaj nahi kal karunga, kal nahi parso karunga or aisa kahte kahte hum sab chijo ki skip karne lagte hai. Ek blogger ka main kaam yahi hota ki wo apne blog ke content par focus kare or uski ke hisab se apne mind ko set kare, lekin aisa hota nahi hai. Internet par available bahut si information ki wajah se mind divert ho jata hai jo ki ek blogger ke liye sahi nahi hai.

Waise aaj me apne blog ke un loyal readers or regular readers ke bare me aapko batane wala hu jo hamare blog ke har new new post ko read karte hai , sabse pehle aap ye jaan lo ki ye loyal readers hote kon hai ?

Loyal reader kon hai ?

Particular me apne blog ki baat kar raha hu, hamare blog post me jab koi comment karta hai to wo ek reader hota hai jisay hamare di gai jankari acchi lagi ya fir unhe kuch puchna hota hai. Or wahi reader jab bar-bar hamare blog post par comment karne ka kaam karta hai to wo regular readers ho jata hai. Lekin aisa jaruri nahi hai, bahut se log aise bhi hote hai jo sirf blog post ka title read karke hi comment kar dete hai, unhe blog post se kuch matlab nahi hota, unhe to bas apna backlink banana hota hai.

Loyal readers wahi hote hai jo kisi blog ko regular visit karte hai or information gain karte hai. Or agar unhe koi dubt hoti hai to wo apna doubt clear karne ke liye comment bhi karte hai ya fir post acchi lagne par thank bhi kehte hai. Inki wajah se hume apne blog ko hamesa update rakhne me help milti hai.

Loyal readers blog ko up-t-date rakhne ka kaam karte hai or inki wajah se hume apne blog post ko modify or edit karne ka idea bhi milta hai.

Message to our S2B loyal readers

Sabse pehle to me apne blog ke sabhi readers ko thanks kehna chahunga ki unhone hamare blog ko like kiya. Par me apne blog par aane wale sabhi reader ko kuch kehna chahta hu.

Comment karne se pehle blog post ko read kare

Kisi bhi readers ke liye ye sabse silly baat hoti hai ki unhe information bhi chahiye lekin wo blog post ko thik se read bhi nahi karte, or comment me wahi question puchte hai jo maine already blog post me mention kiya hai. Haan agar aapko hamare blog post se related ko doubt hai to aap humse puch sakte ho lekin aisa doubt na puche jisay humne clearly bataya hai..

Kuch readers blog post ko acche se read to karte hai lekin wo samajh nahi pate ki humne apne blog post me likha kya hai. Aise me doubt hone ki koi gunjais hi nahi hoti, kyunki agar aapko kuch samajh me nahi aaraha hai to aapko doubt bhi nahi karna chahiye.

Post title ko dekh kar comment na kare

Bahut se log aise bhi hai jo blog post ka title dekh kar hi andaja laga lete hai hai ki post me kya likha hua hai, or wo title ke hisab se hi comment kar dete hai. Aisa na kare, agar aapke pas samay nahi hai to aap apna samay barbad bhi na kare. Aisa karne se kuch hasil nahi hoga , bas aapko backlink hi milegi jo kisi kaam ka nahi hoga.

Hamare blog par aise bahut se comment hai jo sirf backlink banane ke chalte kiye jate hai or hi, hello, thanks, good likh kar comment kar dete hai. Me un sabhi se yahi kehna chahunga agar aapka blog niche hamare blog niche se milta hai to aapko backlink to mil jayegi lekin aap backlink ka karoge kya, aapki knowledge to sirf backlink banane me lagi hui hai.

Suggestion na de

Me manta hu ki maine bahut se aise blog post likhe hai jisme error hai ya fir thodi bahut galat information bhi hai, me un sabhi readers ko thanks kehna chahunge jo hamari galti ko hume comment ke jariye bataye or humne apne blog post ko modify bhi kiya. Aise suggestion ko hum appreciate karte hai. Lekin bahut se log aise bhi hai jo comment ke jariye suggestion dene ka kaam karte hai or unka suggestion bhi kisi kaam ka nahi hota.

Me maanta hum ki maine jo blog post likh diye wo kabhi bhi perfect nahi ho sakta, kyunki aap bhi humse bhi behtar blog post likh sakte ho. Mujhe competition karna nahi aata or na hi me kisi race me participate karna chahta hu.

Kuch din pehle maine ek blog post likha tha ki Blogger blog ka password kaise change karte hai ? Ab aap hi socho ki ye kitna silly topic par maine post likha hai, lekin me janta hu ki jihone apna new blog banaye hua hai unhe pata hi nahi hota ki blog ka password kaise change kiya jata hai.

Lekin isme bhi aise aise comment ho rahe hai ki me kya batau. Logo ka kehna hai ki sabhi ko iske bare me already pata hai to aap aisa post kyun likh rahe ho, To me unhe bas yahi kehna chahunga ki maine ye post aapke liye nahi likha hai jinko iske bare me nahi pata hoga wahi ye post read karenge or information lenge, aap kyun apna time waste kar rahe ho aise post ko read karke.

Friends, blogging karne me bahut maja aata hai kyunki aapka writing hi aapki identity banane lagti hai or isi identity ki wajah se log aapko like karte hai or comment ke jariye apne thought share karte hai. Lekin suggestion karne wale logo ko me ek baat keh deta hu ki agar hamare blog post agar aapko information deti hai jiske bare me aapko nahi pata to aap usay read kare or end me agar aapko doubt hai to humse puche.

Blogspot website ka link na de

Bahut se blogger hamare blog par comment karne ke doran apne blogspot blog ka link dete hai or me aise link ko approve nahi karta. Wajah bas itni si hai ki agar aapne apne blogspot link ko custom domain ke sath replace kar diye to aapka blogspot backlink kisi kaam ka nahi rahega. To friends agar aapne hamare blog post comment par blogspot blog ka link diya hua hai to me aapke link ko accept nahi karunga.

Blog post se hatkar question na puche

Agar aapne hamare blog ke kisi post ko read kiya or aapko wo samajh me aa gaya, aapne comment kiya or aap kisi dusare topic se related question puch rahe ho to me uska answer aapko jarur dunga. Lekin agar aap aisa bar bar kar rahe ho iska sirf ek hi matlab hota hai ki aap apna samay barbad kar rahe ho, kyunki aap hamesa aisa post read kar rahe ho jiske bare me aapko knowledge chahiye or aap kisi dusare doubt ke bare me question kar rahe ho.

Aisa karna ek hisab se to sahi hai kyunki hume new post likhne ka idea bhi milta hai or hum uspar new post publish bhi karte hai, lekin aisa karna wo bhi bar-bar sahi nahi.

Hum jab bhi koi new post publish karte hai to usme sabse pehle comment jo aa raha hai wo thanks or appreciation wala hota hai, lekin wo sabhi kisi dusare topic ke bare me question kar rahe hai.

Aise blogger bhaiyo ke liye maine ek post likha hai – My Personal Blogger Guide, aap usay jarur read kare. Taki hum aapko personally paid blogging service provide kare.. Or aap apne blogging me time waste na karo.

Friends bahut se baatain hai jisay me is post ke jariye to nahi keh sakta lekin haan in future me ish post ko jarur update karunga. Kuch logo ko ish post ko read karne par bura bhi laga hoga or kuch samajh bhi gaye honge. Hamara blog aapko hurt nahi karna chahta , bas aapko samajhna hoga ki blogging karne ka matlab ye nahi hota ki aap apna time waste karo , iske bas ek hi wajah hoti hai ki aap focus raho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “Message to our S2B loyal readers

  1. Bhai ye to aapki mehant or aapke saver ka fal hai bhai

    Aapne hamare liye jo blog se related post krte ho vo hamare liye bahut helpful hoti hai or vadiya bhi

    Thanks ham krte hai bhai aapka jo aap hamare liye blog ke tips free me laate ho bhai

    Aajkal koi chiz free me nahi milti bhai or ham log aap ke blog ko dekh kr hi to ham apna blog chalate hai jab hamare big bro kr sakte hai to ham bhi kr sakte hai

    Thank you so much bhai

  2. मेरे भी कई रीडर हैं जो भी फालतू का question करते हैं, जबकि उनका प्रश्न पहले से ही लेख में solve हो चुका होता है. मैं irritate ho jata hu. Is vajh se mujhe us topic ke sabhi comment ko bin dekhe ek sath delete karna padta hai, jabki kuch ke question sahi rahte hai. लेकिन उन लोगों की वजह से अच्छे क्वेश्चन bhi rh jaate hain.

Leave a Reply

Your email address will not be published. Required fields are marked *