Mujhe kis topic par blog banana chahiye ? ek simple question

Posted on
Smart2Blogging Wish You Happy Diwali Click Here

936 total views, 6 views today

Friends aaj ka hamara post un sabhi new bloggers ko dedicated hai jinhone apna new blog banaye hai ya fir wo blog banane ke bare me soch rahe hai. Blog banane se pehle or blog banane ke bad hamare mind me ek simple sa question aata hai ki Mujhe kis topic par blog banana chahiye ? Ye jitna simple question lagta hai utna hai nahi. Mujhse bahut se log suggestion mangte hai ki ” bhai aap hi suggest kar do ki me kis topic par blog banau ?

Or aaj me ish post ke jariye un sabhi new bloggers jo blogging start karne wale hai or jo hamare sath jude huye hai unko unke question ke answer mil jayenge.

Mujhe kis topic par blogging karna chahiye ? ek simple question

Blog banane ke bad sabhi blogger ko confusion hoti hi hai ki blog to ban gaya par kon se topic par post likhu. Maine bhi jab blogging ki suruwat ki thi to mujhe bhi yahi confusion hua tha or aap mere first blog acchibaat.com ko dekh kar ye jarur pata laga sakte ho ki me us time apne blog topic ko le kar kitna confuse tha.

Acchibaat.com hamara hi blog hai jisay maine 2016 me banaya tha, confusion ki wajah se maine us blog par itne sare topic bana di ki me jab aaj apne blog ko visit karta hu to mujhe hasi aati hai ki maine kya kar diye. Aksar aisa hi hota hai ki hum blog banane ke bad bahut se topic par post publish karte hai or dekhte hi dekhte hamare blog par bahut sare topic ho jati hai.

Me ye nahi kehta ki blog par bahut sare topic par post likhna galat hai lekin ye jarur kahunge ki agar aap ek blog par bahut sare topic par post publish karte ho to blog ko update karna muskil ho jata hai. Iske bar me hume apne previous post me bataye tha ki ek topic par blogging kare ya multiple topic par, aap us post ko bhi jarur read kare taki aapko ek bata clear ho jaye ki ek blog par kitne topic hone chahiye.

Anyway, Jab bhi koi mujhe ye puchta hai ki ” mere blog ke liye koi topic suggest karo ?” to me thoda confuse ho jata hu or sochta hu ki me kyu kisi ko kisi bhi topic par likhne ke liye suggest karu..

Maan lijiye ki maine aapko health topic par likhne ke liye suggest kar diye or aapko health topic se re;ated kuch bhi knowledge nahi hai , to kya aap apne blog par health se related articles publish kar sakte ho ? Nahi, aisa ho hi nahi sakta..

Overall ye puri tarah aap par depend karta hai ki aap kis topic par article likh sakte ho or sabse behtar article likh skate ho. To friends chaliye aapko kuch aisi baatain batate hai ki jisay follow karne par aap khud se apne blog ke liye topic choice kar sakte ho..

Mujhe kis topic par blog banana chahiye ? ek simple question

Ye ek simple question hi to hai or isi simple question ki wajah se hi hamare blogging kar future depend karta hai. Maan lijiye ki aapne josh josh me aa kar kar blog bana liye or apne blog par post bhi publish karne lage ,lekin kuch time ke bad aap jis topic par post publish kar rahe ho ussay related aapke mind me koi new post aa hi nahi raha to aise me aap apne blog par dusare topic par post likhne lag jaoge. Or dhire dhire aapke blog par topic count improve hoti jayegi.

Kisi blog par agar had se jyada topic ho to usay maintain or update karna aasan nahi hota or aise situation me blogging karne ka maan hi nahi karta. Har din ek hi confusion rehti hai ki blog par itne sare topic hai par aaj kisi topic par post publish karu ? Ye confusion aap face na karo isliye aapko kuch baato ka khayal rakhna hoga.

Aapne blog kyun banaye hai ?

Aapko sabse pehle khud se ye sawal karna hoga ki ” Maine blog kyun banaya hai ? ” aapko ye sawal ka jawab pata hona chahiye. Or mujhe pura yakin hai ki aap ish sawal ka jawab jante ho.. Agar aapka jawab EARNING hai to blogging aapke liye nahi hai…

Maximum logo ko blogging se kuch lena-dena nahi hota , wo bas apna blog isliye banate hai ki wo apne blog ke jariye earning kar sake. Agar aapne bhi yahi soch kar blog banaya hai to ek baat me jarur kahunga ki aap apne blog ke jariye earning to kar sakte ho lekin aap kabhi bhi ek blogger nahi kahlaoge…

Meri ish baat se bahut se log sahmat nahi hoge.. Ye sach hai , agar aap sirf earning ke liye blog banate ho to aap blogger nahi ek businessman ho jo sirf profit ke bare me sochta hai. Or blogging me businessman ki jarurat nahi. Isliye sabse pehle aap khud se pucho ki aapne blog kyun banaya hai , agar aapko writing me interest hai or aap new information logo ke sath share karna chahte ho to blogging aapke liye sahi platform hai. Lekin agar aap sirf earning ke bare me soch kar blog banaye ho to behtar yahi hoga ki sabse pehle aap apni soch badlo nahi to aapka blog hi aapki soch badal dega.

Aapko sabse jyada knowledge kis chij me hai ?

Blogging start karne ka matlab hota hai ki aapko apne blog par post likha hai or post likhne ke liye aapke pas knowledge bhi honi chahiye. Aisa ho hi nahi sakta hi aapko kisi ek chij ke bare me acchi knowledge na ho. Chahe aapko apne mobile ka knowledge ho, internet ka knowledge ho ya fir relationship ka knowledge. Bas aapko apne andar chipi hui us knowledge ko apne writing ke jariye bahar nikalna hai. Or aisa karna ke liye sabse pehle aapko apne interest ke bare me pata hona chahiye.

Blogging karne me interest tabhi aa sakta hai jab aap us chij ke bare me likho jo aapko sabse jyada interesting lagta hai matlab ki aap uske bare me bahut kuch jante ho.

Agar aap aise topic par post likhne lagoge jiske bare me aapko jyada knowledge nahi to aap apne post me wo interesting factor nahi la sakte jisay read karne ke bad koi bhi aapke blog ka diwana ho jaye.

Isliye sable pehle apne interest ko pehchane or usi ke hisab se apne blog topic ko select kare. Jaisa ki maine aapko bataye ki mujhe bhhut se log suggestion mangte hai ki me kisi topic par blog likhu, to friends behtar yehi hoga ki aap sabse pehle apne aapko pehchano taki aapke blog post ki wajah se aapki identity banne lage.

Aap apne aapko khud se behtar jante ho or aapko kisi dasare ki suggestion ki jarurat nahi, aapko jo sahi lage wahi kare or passion ke sath kare. Or agar aap kisi ek topic ke bare me likhe ke liye interested ho or aapko samajh me nahi aa raha ki kya likha jaye to Google ko apne friends banao taki wo aapke sabhi doubt clear kar sake or aapki knowledge improve ho jaye.

Futuristic mind hona bhi jaruri hai ?

Blogging karne ke liye ek aim hona jaruri hai or wo aim hi hume batati hai ki hum apne blog ko kis had tak le ja sakte hai. Agar aapne apne blog ke liye koi ek topic choose kiya hai to aapko ye pata hona chahiye ki aap us topic par 30 article likh sakte ho ya nahi. Agar aap aisa kar sakte ho to aap us topic par post likhna start kar dijiye, kyunki jaise jaise aap post publish karte jaoge waise-waise aapko new post likhne ke liye inspiration milti jayegi.

Maine jab smart2blogging ki suruwat ki thi to me bhi apne blog topic par focus tha or aaj bhi hu, ki mujhe apne blog par sirf blogging se related hi post publish karni hai. Starting me sab kuch confusing lagta hai, or hum ye sochte hai ki blog topic to choose kar liye ab start kaha se karu…

Ye confusion har ek blogger ko hoti hai or iski wajah sirf ye hai ki aaj internet par har type ke post or article available hai. Ab aap khud socho ki agar internet par wo sabhi post available hai jiske bare me hum likhna chahte hai to confusion to honi hi hai. Or yahi sabse badi wajah hai ki new blogger apne blog ko starting me sahi se manage nahi kar pate or apne blog par aise aise topic par post likhne lahte hai jiska koi matlab nahi hota.

Overall aapne apna jo topic select kiya hua hai usi me kayam rahe or aapko jo sahi lagta hai wahi likhe .

Staring se start kare

Jaisa ki maine aapko bataye ki internet par aaj sabhi type ke post available hai or agar aap ek newbie blogger ho to aapko confusion to jarur hogi ki ab kis topic par new post likha jaye. To friends me aapse ke baat jarur kehna chahunga ki agar aapko apne blog ke jariye kuch naya karna hai to sabse pehle aapko wo sabhi topic par post likhne honge jo already internet par available hai. Nahi samajh me aaye na ? Chaliye aapko me apna khud ka example deta hu…

Jab s2b ki suruwat hui thi to me bhi confuse tha ki blogging se related to bahut se post internet par already available hai to me kis topic par post karu.. Yani ki blogging se related sabhi topic already internet par maujud hai. Tab maine apne blog par blogging se related wo sabhi basic topic par post likhna suru kiya jo ki already internet par available hai…

Issay hua ye ki mujhe blogging se related jitne bhi basic concept or knowledge the wo revise ho gaye or mujhe blogging topic par likhne ke liye new post mil gaye.. Aap hamare blog ke starting ke lagbhag 100 post ko dekh sakte ho , usme maine kuch naya nahi bataye hai, bas wahi baatain share ki hai jo already internet par available hai.

To friends aapko bhi aisa hi karna hai, sabse pehle aapko khud se ek topic select karna hai or ussay related aapke pas jitne bhi gyan hai usay apne blog post ke jariye likh dena hai. Or post likhne ke doran aap ko new post likhne ka idea bhi mil jayega.

CONCLUSION

Friends blogging karna aasan to hai lekin itna aasan bhi nahi jitna hum samajhte hai. Bas hume sahi samay me sahi decision lene ki jarurat hai taki future me hamare liye gaye wrong decision ke chalte hume blogging se quit na karna pade. End me aapse bas itna hi kahunga ki aap khud ko kabil samjho, suggestion dene wale log aapko bahut mil jayenge lekin agar aaap apne hisab or interest ke jariye blog topic select karte ho to aap blogging karna kabhi nahi chhodege.. HAPPY BLOGGING

πŸš£β€β™€οΈ Agar aapko ye article acchi lagi to isay apne social network par jarur share kare πŸ€“ THANKS

2 thoughts on “Mujhe kis topic par blog banana chahiye ? ek simple question

Leave a Reply

Your email address will not be published. Required fields are marked *