Sahi Mayne Me Blogging Kab Start Hoti Hai ?

Posted on

Jab aapne apna blog banaya tha tab kya aapne apni blogging ki suruwat ki thi ? Kya blogging karna starting me hi sikhe gaye ? Nahi aisa ho hi nahi sakta ki aapne apna first blog banaya or aapki blogging start ho gai. Friends aaj hum ek important topic ke bare me aapko batane wale hai or aaj aap janoge ki sahi mayne me blogging ki suruwat kab hoti hai. Blog banana bahut hi aasan hota hai , lekin jinhone pehli bar apna blog banaya hai unhe pata hai ki ye kitna aasan hai or kitna nahi.

Sahi Mayne Me Blogging Kab Start Hoti Hai ?

Starting me confusion to hoti hai , or yahi confusion ko dur karne ke liye hum internet par bahut se guide or tutorial ko follow bhi karte hai. Starting me support ki jarurat hoti hai hai chahe aap ho ya me, mujhe bhi starting me support ki jarurat hui or maine internet ke jariye apne sabhi doubt bhi clear kiye.

Jaha internet hamare doubt ko clear karne ka kaam karti hai wahi wo hame confuse bhi karti hai, kyun ki agar aap kuch internet par search karte ho to aapko ussay related lakho websites mil jayenge jo apne alag alag andaj me aapko guide karti hai. Blogging karne ka simple sa matlab hota hai ki aap apne blog par post (article) likho. Post likhne ke liye aapki knowledge or writing skill bhi strong honi chahiye.

Maximum blogger apne blog par post likhne me lage rahte hai, unhe apne blog par sirf post count improve karne se matlab hota hai.

Aaj mere ek blogger friends se call par baat ho rahi thi , unhone apne blog par 500 se bhi jyada post publish kar diye hai or uske blog par traffic nahi mil rahi. To maine unse kaha ki pehle blogging to start karo ? Jab tak blogging start nahi karoge tab tak aapke blog par improvement kaise hoga ? Wo confuse ho gaya ki me kya keh raha hu..

Waise bhi usne apne blog par 500 se jyada post publish kar chuke hai or me unse keh raha hu ki blogging start karo ? to aise me unka confuse hona jayaj hai… Aap bhi yahi sochte honge ki blogging karne ka matlab to apne blog par post publish karna hota hai par ye blogging start karne ka matlab kya hua ?

To friends aapko confuse hone ki jaruta nahi.. Aap apne blog par jo bhi post publish karte ho ya fir apne blog par jo bhi work karte usi ko blogging kaha jata hai, lekin blogging karne me bhi 2 part me hota hai.

  1. Getting knowledge and writing post
  2. Writing post to serve knowledge

In dono part me jamil aasmaan ka fark hai. Chaliye in dono parts ke bare me aapko clearly batate hai.

Getting knowledge and writing post

Iske naam se hi aap samajh gaye honge ki iska kya matlab hota hai. Jo bhi new blogger bhai hai wo internet se knowledge lete hai or uske jariye hi apna post create karte hai. Aisa sabhi blogger bhai starting me karte hai. Maan lijiye ki aap kisi topic me apna blog post likh rahe ho or aapko uske bare me jyada information nahi hai to aap kya karoge, ji haan aap internet par uske bare me full information loge or usi knowledge ko apne blog post me samil karoge.

Aisa karne par aap apne blog par post to publish kar doge lekin kya aapke post me koi new information hogi ? Nahi, starting me writing skill ki kami ke karan hum wahi blog post likte hai jo already internet par available hai, hum kuch naya karna hi nahi chahte hai, iski wajah sirf itni hai ki hum writing me frequent nahi hai.

Jaise jaise aap khud se blog post likhne lagte ho waise waise aapki writing skill improve hoti jati hai or yahi se aap blogging ke part 2 me jump karne lagte ho.

Writing post to serve knowledge

Blog banane ke bad starting me aapne internet se knowlege le kar apna post likha or aise karte karte jab aap blogging me frequent ho jate ho to aap khud se aise post likhne lagte ho jo knowledge serve karne ka kaam karti hai. Yani hi sahi mayne me blogging tab start hoti hai jab aap aise topic par article likho jo internet pe available hi na ho or available bhi ho to aap usay itna behtar likh dete ho ki wo khud ba khud new knowledge serve karne ka kaam karti hai.

To friends ab aap samajh hi gaye hoge ki sahi mayne me blogging ki suruwat kaha se hoti hai, or yahi wo suruwat hai jaha se aapka blog popular hone lagte hai. Bas yahi karan hai ki kisi bhi blog ko popular hone me 1 se 2 saal ka samay lagta hi hai, kyunki starting ke 6 mahine to blog par article likhne or apni skill develop karne me gujar jati hai.

Blog me aise post hone chahiye jo sabse alag or informative ho. Aaj jab me internet par koi blogging se related post read karte hu to mujhe usme kuch na kuch kami najar jarur aati hai or isi kami ko pura karne ka kaam Smart2Blogging kar rahi hai.

Staring me maine jab Smart2Blogging blog banaya tha to maine ye socha tha ki mujhe kuch naya karna hai, kuch naya karne ke chakkar me un sabhi post ke bare me likhne laga jo internet par hai hi nahi, ab aap hi socho ki jo post internet par hai hi nahi uske bare me koi kaise likh sakta hai ? Iske liye khud ka experience hona bahut jaruri hai or khud ki experience improve karne ke liye lower level se suruwat karni hi hoti hai, yani ki Getting knowledge and writing post wale part ko follow karna hi hoga.

Maine bhi waisa hi kiya , aap hamare blog ke starting ke 100 post ko dekh sakte ho, humne kuch new information nahi di hai , humne to bas internet se knowledge gain kiya or usay aapke sath share kiya hai. Jaise jaise information gain hoti jati hai waise waise experience or writing skill bhi improve hoti jati hai. Or end me aisa ho jata hai ki aap internet par wahi topic search karne lagte ho jo hai hi nahi or aap uske bare me post likhne lagte ho or tab se hi blogging ki suruwat hoti hai.

Blog par post publish karna koi badi baat nahi hai lekin agar aapke post me quality hai or aapka post dusaro se behtar hai to aap chahe koi sa bhi post likh lo usay log like karenge. Blogging ki suruwat tabhi ho jati hai jab aap blogging karna sikh jate ho yani ki aap post likhna sikh jate ho, to chaliye wo sabhi baato ko samajhne ki koisis karte hai jisay read karne ke baad aap khud samajh jaoge ki kya aap blogging karte ho ?

Sahi Mayne Me Blogging Kab Start Hoti Hai ?

Blog banane ke bad jab bhi apne blog par post publish karte hai or apne blog ko manage karte hai to usay blogging sikhna kaha jata hai. Lekin kya aapko pata hai ki sahi mayne me blogging ki suruwat kab hoti hai ? Chaliye jante hai ..

Jab aap High Quality post likhne lagte ho

Apne blog par post to sabhi likhe hai par kuch log apne blog post ko ish tarah likhte hai ki usme quality aa jati hai or kuch qulity post likhte likhe post me high quality aane lagti hai. Or ya sab process complete hone me kai mahine ya fir kai saal lag sakte hai.

Ye to aap jante hi ho ki blog me post likhne hi main kaam hota hai or agar aap apne blog me sirf high quality post likhne lago to samajh jana ki aapki blogging start ho gai hai.

Jab aap ke blog post me ek flow aane lage

High quality post ki ek main khasiyat ye hai ki jab koi us post ko read karte hai to usay pura read jarur karta hai , yani ki us post me ek flow aa jati hai jo readers ko apni taraf attach kiye rehta hai. Agar aap apne blog par aise post publish karne lage ho jisme flow hai to samajh jao ki aapki blogging start ho gai hai.

Me hamesa kehta hu ki jab bhi apne post ko publish karo usay pehle usay ek bar read kar lo, or jab aapko lage ki aapka post perfect hai to usay publish karo.

Jab aap aise post ko likhne lago jo internet par hai hi nahi

Agar aapne apne blog sirf 1 ya 2 topic par banaye hai to continue blogging karne se aap us topic par expert hone lagte ho or end me aisa hota hai ki aap aise aise topic par post likhte ho jo internet par hai hi nahi. Or jab aaisa hone lage to samajh jaiye ki aapki blogging start ho gai hai.

Jab aap aise topic par post likhne lagte ho jo internet par available hai

Chahe new blogger ho ya fir professional blogger , wo apne blog par bahut se aise post jarur publish karte hai jo already internet par hai. Issay hota ye hai ki jo post already internet par hai ussay aap knowledge gain karke post likhte ho. Lekin aisa karne par aap post to likh kar publish to kar dete ho lekin agar aapka post dusaro se behtar nahi hai to aap sirf time pass kar rahe ho.

Jab aap koi aisa post likhte ho jo ki internat par pehle se available hai or aap apni knowledge imporve karne ke liye wo sabhi post ko read karte ho, agar aapko dusaro ke post read karne unke post me koi kami lagti hai or aap unse behtar apna post likh sakte ho to samajh jao ki aapki blogging start ho gai hai.

Internet se knowledge le kar post to sabhi likhte hai lekin jo knowledge gain karke khud ke knowledge se post ko high quality post bana pata hai wahi sahi mayne me blogging karna janta hai.

Agar aapko dusare ke blog post ko read karne par maja na aaye

Aisa bahut kam hi hota hai ki kisi dusare blog post ko read karne par maja na aaye or agar aap kisi dusare ke post ko read karte ho or read karne ke bad aap udas ho jate ho to samajh jaye ki aap blogging ki bariki ko samajh gaye ho. Jab aap continue blogging karte ho to aaki writing skill develop hote hai or aapke post me ek flow aane lagta hai. Or jab aisa ho jata hai to aap internet me available dusaro ke post me kami nikalne lagte ho or aapke andar ek confident build hota hai ki aap unse bahut accha or behtar post likh sakte ho.

Me jab bhi koi post likhta hu ti usay internet par search karke jarur dekha hu or jo bhi post me read karat hu usme koi na koi kami jarur milti hai, or yaki kamo ko dur karne ke liye me apne blog post ko dusaro se behtar likh sakta hu.

Aaj bhi hamare blog par bahut se guest post aate hai , lekin me maximum guest ko accept nahi karta , reason yahi hai ki hamara blog internet me available post ki kamiyo ko dur karne ka kaam karti hai or maximum hume aise guest post milte hai jo aadhe-adhure hote hai.

To friends aaj ka hamara post aapko kaisa laga hume comment ke jariye jarur bataye or ye bhi bataye ki kya aap sahi mayne me blogging karte ho. Me bahut se aise blogger bhaiyo ki janta hu jo mere sath personally connected hai or wo kai saalo se blogging kar rahe hai, par unki blogging abhi tak start nahi hui.. Aap samajh hi gaye hoge ki kyu ? Jab tak aap sahi mayne me blogging karna nahi sikh jate tab tak blogging karne me maja nahi aata or na hi aapka blog kabhi us mukam par aa sakta hai jaha par aap apne blog ko le jana chahte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Sahi Mayne Me Blogging Kab Start Hoti Hai ?

  1. wow. apne bahut achi se samjahe hai. apke is post me hum ko or bhi improve ment korne ka moka mila. sir mera ek question hai mene hinglishmesikhe domain name choose kiya. kya isme technology and success ke bare me likh sekte hai.

    1. Thanks Sanjoy ji, haan aapne jo domain name chuna hai usme tech or success post likh sakte ho, lekin aapne jo domain name select kiya hai wo thoda confusing hai, domain name aisa hona chahiye jisay yaad rakha ja sake or koi bhi easily domain name ko type kar sake.

Leave a Reply

Your email address will not be published. Required fields are marked *