Google Search Engine Me Apne Blog Post Ko Top Rank Karwane Ke 7 Smart Tips

Posted on

Google Search Engine Me Apne Blog Post Ko Top Rank Karwane Ke 7 Smart Tips… Jab organic traffic ki baat aati hai to sabse pehle GOOGLE search engine ka naam aata hai, aisa isliye hai kyonki kisi bhi website or blog par maximum organic traffic google search engine ke jariye hi aate hai. Agar aapke blog post Google search result ke top ten me show ho raha hai to us post me organic traffic aane ke chances kai jyada badh jate hai.

google Search Engine Me Apne Blog Post Ko Top Rank Karwane Ke 7 Smart Tips

Agar aapke blog blog ko banaye huye kuch mahine huye hai to aapke blog par organic traffic na ke barabar aati hogi.. Lekin agar aapka blog ek saal se jyada purana ho gaya hai or fir bhi aapke blog par jyada organic traffic nahi aati hai to aapko samajh jana chahiye ki aapka blog post Google search engine pe accha perform nahi kar raha hai jiski wajah se aapke blog rank improve nahi ho rahi.

Friends aaj hum aapko kuch aise smart tarike batane wale hai jisay follow karne ke bad aapka blog post Google search engine ke top rank list me display hone lagega or aapke blog ki organic traffic bhi badh jayegi.

Google Search Engine Me Apne Blog Post Ko Top Rank Karwane Ke 7 Smart Tips

Jab tak search engine aapke blog ke content ko nahi samajhta tab tak aapka blog search engine par index nahi ho sakta. Isliye sabse pehla kaam ye hai ki aap apne blog ke sitemap ko search engine par submit karo taki search engine aapke blog content ko samajh sakte or usay apne search result me rank kar paye.

Agar aapne apne blog ko search engine me submit nahi kiya hai to sabse pehle aapko apne blog ko search engine par submit karna hai.

Hume puri ummid hai ki aap apne blog ko search engine me submit kar chuke hoge or agar aapne aisa nahi kiya hai to hamare ye article read kare or apne blog ko search engine ke sath link kare.

1. Blog Loading Speed Kam Kare

Maan lijiye ki aap Google par kuch search karte ho or mere blog ka link top search result me show ho raha hai, to aap mere blog par aate ho lekin mera blog itna show hai ki usay puri tarah load hone me kafi samay lag raha hai to aise me aap kuch time tak mere blog ko pura load hone doge , lekin agar kuch time yani ki 5-10 second ke bad bhi mera blog load nahi hota hai to aap mere blog ko chhod kar kisi dusare ke blog me chale jaoge..

Ab jara aap sochiye ki aap mere blog me aaye ho to iski wajah kya hai ? Jahir si baat hai Google search engine ne aapko mere blog ke liye recommend kiya hai. Ok, ab aap ye sochiye ki mere blog par aapka user experience kaisa raha ? Obviously mera blog open hi nahi hua. Overall dekha jaye to Google ne aise blog ko recommend kiya jo open hi nahi hota.. Aapko kya aisa lagta hai ki Google aise website ko recommend karega jisay open hone me kafi samay lagta hai.

Nahi, Google aapko apne top search result me kabhi bhi aise website ke liye recommend nahi karega jisay open hone me kafi samay lagta hai or jiski loading speed kafi slow hai. Agar Google aisa karta hai to Google ke jariye koi search karna hi pasand nahi karega or google ki company hi band ho jayegi.

Waise bhi Google user experience ko sabse top priority me rakhta hai jiski wajah se wo apne top search me aise blog ko rank hi nahi karta jisay load hone me kafi samay lagta hai.

Ab aapko puri tarah clear ho gaya hoga ki agar aapko apne blog ko top search rank me lana hai to aapko apne blog ki loading time ko kam karna hoga. Iske liye aap apne blog par aisi theme use karo jo fast load hoti ho, aap catch plugin ka bhi use kar sakte ho jo aapke blog ke catch file ko show karti hai or page loading time ko bhi kafi kam karti hai.

To friends agar aapko apne blog ko google ke top search result me dekhna chahte ho to aapko apne blog ki loading time ko kam karna hoga. Agar aapke blog ki loading time 2 second hai to aap isay 1 second tak karne ki kosis karo.

2. High Quality Article Likhe

Chaliye fir se maan lete hai ki aapne Google pe kuch search kiya or fir se mera blog Google search result me no-1 me show hua, aap mere blog me gaye or bahut jald hi mera blog open bhi ho gaya.. Aap mere blog post ko read karte ho or at the end aapko jo information chahiye wo aapko nahi milti, ab aap kya karoge ? Obviously aap back jaakar google search result me jo 2nd wala website hoga usay visit karoge.. 2nd website ko visit karne ke bad aapko sabhi information mil gai jo mere blog me nahi tha, matlab ki aapka google pe search karna safal ho gaya.

Kya aap bata sakte ho ki aap mere blog ko chhod kar kyu dusare website me chale gaye ? Jahir si baat hai ki mere blog me wo information nahi thi jisay aap dhund rahe the , matlab ki mere blog post me quality nahi thi.

Ab second case me aap dusre website me jate ho or aapko wo sabhi information mil jati hai jo aap search kar rahe the, matlab ki as compare to my blog us website me mere blog se jyada quality post thi..

Ab itna to aap samajh gaye hoge ki ek banda jo google me search karte hai wo search result ke 1st website ko visit karta hai , or agar usay koi information nahi milti to wo 2nd website ko visit karta hai.

Par kya aapko pata hai ki Google search engine ka isme kya role hai ? Jab visitor ko second website se apne question ke answer mil rahe hai to google mere blog ko first me kyun show karega. Ye ek common sense wali baat hai ki Google kabhi bhi apne top search result me aise website ko show nahi karega jisme quality na ho or jisay log read karne ke bad same information ko kisi dusare website par search kare.

Isliye agar aapko google search result me top position hasil karni hai to high quality content likhna suru kar dijiye. High quality content ko log bahut pasand karte hai or jab log aapke content ko pasand karenge to wo automatically top rank me display hone lagega.

3. Research kare

Blogging me bahut jyada competition ho gaya hai , har koi ek dusare ke blog ko pichhe karne me laga hua hai. Aise me agar aapka blog dusare blog se behtar nahi hoga to aap kabhi bhi un blog ko pichhe chhod nahi sakte jo aapke competitor hai. High quality post likh kar aap apne competitor blog se behtar article publish kar sakte ho.

Apne blog par behtar or high quality article publish karne ke liye aapko research karna hota hai. Jab bhi aap koi article likho sabse pehle us topic ko google par search kar lo or jo bhi top 5 website honge usay read karo. Issay hoga ye ki aapki knowledge improve hogi or aapko ek clear idea mil jayega ki apne blog post me aisa kya likha jaye jissay wo top search result me show hone lage.

Bas aapko article likhne se pehle uske bare me research karna hai or information gain karni hai. Agar aap apne competitor website ke article se information loge to aapko apne blog post ko high quality post me convert karne me aasani hogi or aapka post top search result pe show hone lagega.

4. Long Post Likhe

Jaisa ki maine point-3 me bataya ki aapko research karna hai. Lekin iska ek negative point of view bhi hai. Maan lijiye ki aapne bahut sare blog post ko research karne ke bad ek high quality post publish ki jo kuch hi hafto me Google search result ke top list me show hone lagi.

Aap sochte honge ki aapki mehnat rang lai, par aisa nahi hai agar aap thoda gehrai se soche ki agar koi blogger aapke topic ko google par search karte hai to aapka blog top par show hoga, or wo blogger aapke blog se information lega or apne blog post ko aapke blog post se aur bhi jyada behtar likhne ki kosis karega.. In the end aapka blog post jo top me show ho raha tha uski ranking me fark padne lagega.

Dekha jo trik aapne apne blog post ko top rank me lane ke liye tha wahi trick koi dusara blogger bhi aajmakar aapke blog post ki ranking me fark la sakta hai. To ab iske liye kya kare ?

Friends aapko tension lene ki jarurat nahi iska bhi upay hai mere pas, bas aapko apne blog post ko long likhna hoga. Long post yani ki more then 2500 words. Long post apne andar sabhi jaruri information liye hota hai or agar aapka post high quality content ke sath sath bahut long hai to koi bhi aapke blog post se information to le sakta hai lekin aapke blog post se behtar likhne me unhe bahut jyada mehnat karni padegi..

Sirf apne blog ko Google search engine ke top rank pe lana hi kafi nahi hota balki aapko kosis karni chahiye ki aapka blog post hamesa top rank pe hi raha , iskle liye aapko apne blog par long post likhne hi honge.

5. On Page SEO kare

Aapne upar diye gaye sabhi points ko follow kar liye to isme koi doubt nahi ki aapka blog post top search search result me show na ho. Lekin On Page SEO aapke blog post ko search engine par push karne ka kaam karti hai. Agar aap apne blog post ko SEO friendly banate hai to aapka post jald hi google search result pe rank karne lagta hai.

Maine bahut se blog community or forum me ek sawal kiya ki – Agar mere blog post me quality hai or maine apne blog post ko seo friendly nahi banaye hai to kya mera blog post search result pe accha perform kar payega ?

Sabhi ka yahi kehna tha ki agar acchi search ranking chahiye to blog post ko seo friendly banana hi hoga. Or ye sahi bhi hai.. Search engine ko hamare blog post ke bare me batane ke liye hum On Page SEO karte hai , taki search engine hamare blog post ko samjhe or usay apne search result me show kar sake.

Overall dekha jaye to High Quality Article With SEO perform better in  search result. Isliye apne blog post ko seo friendly banaye taki Google aapke blog post ko easily identify kar sake or usay apne search result pe accha rank de.

6. Off Page SEO kare

Off Page SEO ka matlab hota hai apne blog post ko promote karna hai. Jab bhi aap apne blog post ko publish karte ho to publish karne ke bad usay apne social network par jarur share karte hoge, ye ek common task hai jo har blogger karta hai, har blogger apne blog post ko promote jarur karta hai. Par aapko pata hai ki iski wajah kya hai ?

Starting me post new hone ki wajah se wo search result me show nahi hota aise me hum apne new post ko promote karte hai. Promote karne se hamare post pe social traffic aati hai or logo ko new post ki information bhi milti hai. Ye to aap jante hi ho, lekin sayad aapko iska main fayda pata hi nahi hoga.. Chahiye ek example ke jariye aapko batate hai..

For example – Maan lijye ki aapne apne blog par ek new post publish ki hai jisay aap Facebook par promote kar chuke ho.. Next day aapko pata chalta hai ki aapne jo apna blog post Facebook par promote kiya tha wo viral ho gaya hai.. Ab aap khud hi batao ki agar koi aapke usi blog post ko Google par search karta hai to kya hoga ? Ji haan aapka wahi blog post jisay aapne ek din pehle publish kiya tha wo Google ke top search result par show hone lagega..

Aap upar diye gaye example ke jariye clearly samajh gaye hoge ki Off Page SEO blog post ke liye kitna jaruri hai. Aisa jaruri nahi hai ki jo post aap apne social network par share karo wo viral ho jaye, lekin haan aapke post ko link, share or social traffic jarur milte hai.

Google search aapke blog post ke social signal ko bhi follow karta hai, isliye agar aapko apne blog ko google search me top rank me lana hai to aapko Off Page SEO karna hi hoga.

7. Popular Post Ko Update Kare

Sabhi blogger apne blog ko success karne me lage rehte hai or unka yahi main aim hota hai ki kaise apne blog ko success banaye , agar aap bhi aisa soch rahe ho to aap bilkul galat soch rahe ho. Koi bhi blog tabhi success hota hai jab uske blog ke content successful ho. Kehne ka matlab ye hai ki blog ko successful banane ke liye aapko apne blog post ko aisa likhna hoga jiski wajah se aapka blog success ho jaye 🙂

Aapko pata hoga ki aapke blog me kon se aise article hai jisay sabse jyada log daily read karte hai. Agar aapke blog me aise post hai jisay log sabse jyada read karte hai to aapko samajh jana chahiye ki un post par hi sabse jyada visitors aate hai.

Sabse pehle aap un sabhi popular post ki ek list bana lijiye or usay ek paper me note kar lijiye.. Ab aapko ek ek karke un sabhi post ko Google par search karna hai or dekhna hai ki wo post Google search result ke kis position par show ho rahe hai. Aap apne blog post ki Google search position ko bhi note kare.

Popular post ko search karne ke bad aapko ek clear idea  mil jayega ki aapka blog post kitne position par show ho raha hai, bas aapko apne un sabhi popular post ko update karna hai or modify karke aur bhi jyada behtar banana hai.

2-4 din bad aap same process dohraye or dekhe ki aapka popular post ka search position me koi fark pada hai ya nahi. Main 101% guarantee ke sath keh sakta hu ki aapka post ke search position kam ho jayega, yani ki agar aapka post search result me 20 position me aata tha to wo kam ho kar 15 position pe aa jayega..

Issay aapke blog post ki ranking improve hone ke sath sath traffic bhi imporve hogi.

Friends aaj humne aapko wo sabhi information di hai jo Google Search Engine aapke blog se chahta hai taki wo aapke blog ko apne search result me accha rank de sake. Aap bhi hamare diye gaye smart ideas ko apnaye or apne blog ko google search result ke top result me rank karwaye.

To friends aaj ka hamara article Google Search engine me apne blog post ko top rank karwane ke 7 smart tips aapko kaisa laga hume comment ke jariye jarur bataye. Or hum 101% ummid karte hai ki aaj ka hamara article aapke liye bahut bahut bahut jyada helpful raha hoga.. Aap apna feedback jarur de. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Google Search Engine Me Apne Blog Post Ko Top Rank Karwane Ke 7 Smart Tips

Leave a Reply

Your email address will not be published. Required fields are marked *