Search Engine Se Traffic Nahi Mil Raha Kya Karu ? Smart Tips in Hindi

Posted on

Ek blog ko success hone ke liye traffic ki jarurat hoti hai, yani ki aapne jo blog banaya hai usay read karne ke liye aapko visitors ki jarurat hogi, or search engine se aane wale visitors se behtar or koi nahi. Search engine ke jariye aapke blog par visitors aate hai or aapke blog ki traffic improve hoti hai.

Ek blogger hone ke nate aapko search engine ki importance to pata hi hogi. Agar aapne ek blog banaya hai jisme search engine se jyada traffic nahi aa rahi to aapse jarur kuch aise galti ho gayi hai jiski wajah se aapka blog search engine par accha perform nahi kar pa raha, un sabhi galtiyo ko sudhar kar aap apne blog ki search engine traffic improve kar sakte ho.

Search Engine Se Traffic Nahi Mil Raha Kya Karu ? Smart Tips in Hindi

Hum bahut hi mehnat se post likhte hai or agar usi post ko koi read na kare to bura to lagta hi hai, aapki mehnat tabhi safal ho sakti hai jab search engine me aapka blog accha perform kare.

Bahut se blogger tension me rehte hai ki ” maine to apna blog ko search engine me submit kar diya hai , or sitemap bhi index ho gai hai to search engine se traffic kyun nahi aata “

Search engine se aapke blog me traffic kyun nahi aati janne ke liye aapko apne Google Search console me jana hoga or sabse pehle apne blog search result position check karna hoga.

Apne blog ka search result position check kaise kare ?

Search Engine Se Traffic Nahi Mil Raha Kya Karu Smart Tips in Hindi

1. Search console website ma ja kar Search Traffic par click kare.

2. Search Analytics par click kare.

3. Position ko select kare.

4. Position par click karte hi aapko apne blog ka search engine position pata chal jayega.

Jaisa ki aap upar diye gaye image me dekh sakte ho ki hamara blog Smart2Blogging ka search engine position 6.1 hai, iska matlab ye hai ki hamara blog Google search ke top ten search result me show hota hai, issay ek clear andaja lagaya ja sakta hai ki google search engine par averagely hamare blog ka position kya hai.

Agar aapke blog ka position-

  • 1-10 ke bich me hai to aapka blog Google search engine ke first page me show hota hai.
  • 10-20 ke bich hai to  aapka blog Google search engine ke second page me show hota hai.
  • 20-30 ke bich hai to  aapka blog Google search engine ke third page me show hota hai.
  • 40-50 ke bich hai to  aapka blog Google search engine ke forth page me show hota hai.

Agar aapke blog ka search result position 10-30 ke bich me hai to aapko tension lene ki jarurat nahi kyun ki aapka blog search engine ke 2nd or 3rd page me show ho raha hai to dhire dhire aapke blog ki ranking improve hone lagegi… Lekin agar aapke blog ka average search position 30 se jyada hai to aapko samajh jana chahiye ki aap apne blog me kuch mistakes kar rahe hai jiski wajah se aapka blog search engine par accha perform nahi kar raha hai.

Maan lijiye ki aapne apne blog me 100 article publish kiya hai jisme se 30 article search engine ke first page par show ho raha hai to automatically aapke blog pe search traffic aane lagegi, kyun ki maximum log search engine ke first page me show ho rahe website par hi click karte hai.

Agar aapko apne blog me search engine traffic improve karna hai to aapko apne blog ko kuch tarah modify karna hoga ki wo search engine par accha perform kar sake or aapke blog search engine ke first page par show hone lage.

Agar aap bhi paresan hai ki aapke blog me search engine se jyada traffic nahi mil rahi to aaj ka article ko dhyan se read kare or usay follow kare…

Search Engine Se Traffic Nahi Mil Raha Kya Karu ? Smart Tips in Hindi

Aapka blog search engine par najar aaye iske liye aapke apne blog ka sitemap search engine jaise Google, yahoo, Bing me submit karna hota hai. Agar aap apne blog ka sitemap search engine per submit nahi karoge to apka blog search engine me rank nahi kar payega. Or hume puri ummid hai ki aap apne blog ka sitemap search engine me submit kar chuke hoga. Agar nahi kiya hai to sabse pehle apne blog ko search engine me submit kijiye, search engine me apne blog ko submit karne ek liye niche diye gaye article ko follow kare.

Apne blog ko search engine me submit karne ke bad aapka blog search engine par index ho jata hai, lekin ye jaruri nahi hai ki aapka blog search result me accha perform kare yani ki search result me aapka blog first age me show ho, uske liye aapko niche diye gaye guide ko follow karna hoga.

High Quality Article likhe

Apne blog me search traffic improve karne ka sabse important formula ye hai ki aap hamesa apne blog par high quality article likhe. High quality article ka matlab hota hai informative article jisay read karne ke bad sabhi ke doubt clear ho jaye.

Maan lijiye ki kisine google par search kiya ” Blog kaise banaye ” or search result me mera blog first position par show hua, to visitors mere blog par aayenge or article read karenge, article read karne ke bad visitors ko kuch samajh me nahi aaye to wo mere blog ko chhod kar kisi dusare blog par chale jayenge.. Aise me mere jo blog search engine ke top me najar aa raha tha wo down ho jayega, kyunki mere blog me wo sabhi information nahi hai jissay visitor ki sabhi doubt clear ho sake.

Overall search engine apne top search result me unhi blog or website ko show karta hai jo informative hote hai or jisay read karne ke bad visitors ko kahi aur jane ki jarurat nahi hoti.

Bas aapko apne blop post me aise hi karna hai, apne blog post ko informative banaye taki koi bhi aapka article read kare to unke sabhi sawalo ke jawab unhe mil jaye or unhe kisi dusare blog me jane ki jarurat na ho.

Agar aap apne blog me high quality article likhte ho to kuch samay ke bad aapka blog post search engine par accha rank karne lagta hai or apke blog ki search traffic improve hone lagti hai.

Blog post ko SEO friendly banao

Agar aap SEO friendly blog post likhoge to aapka blog post khud search engine ko batayega ki aapke blog post me kya kya information hai. Issay aapke blog post ko search engine me rank karne me jyada samay nahi lagega or aapka blog post search engine me accha perform karega.

High quality article likhe ke doran hume apne blog post me SEO factor ko bhi add karna chahiye, jissay hum apne high quality post ko seo friendly bana sakte hai. Jaise-

In sabhi points ko apne post me add karne se hamara post seo friendly ban jata hai. Seo friendly blog post kaise likhte hai iske bare me janne ke liye ish article ko read kare – SEO friendly blog post kaise likhe ?

Post likhne ke doran aap apne blog post ko seo optimism karte ho to wo dhire dhire search engine me rank karne lagti hai or aapke blog ki search traffic improve ho jati hai.

Agar aap apne blog post ko seo friendly nahi baye ho to aapko apne sabhi post ko seo optimism karna hoga..

Long Post Likhe

Blogging ko hum ek competition ki tarah dekhte hai or really me aisa hi hai, agar aap sabse behtar article likh sakte ho to aapka article search engine pe accha perform karne lagta hai, or behtar article likhe ke liye aapka article long bhi hona chahiye.

Maan lijiye ki aapne 500 word ka ek article likha jiska title hai ” SEO TIPS IN HINDI ” .. Lekin aapko internet par aise bahut se article mil jayeneg jisme 500 se bhi jyada words use huye honge, to aise me aapka article search engine par kabhi bhi accha perform nahi kar sakta.

Isliye article likhne se pehle uske bare me internet par search jarur kar lijiye, taki aapko ek clear idea mil jaye ki apaka post kitne word ka hona chahiye.. Hamesa kosis kare ki aap jo bhi post likho wo long ho, yani ki more then 1500 words.

Jaisa ki maine pehle kaha ki search engine apne search result me unhi website ko top rank karti hai jo informative hoti hai, agar aap long post likhoge to wo automatically informative ho jayegi or wo search engine par accha rank karne lagegi, jissay aapke blog me search traffic improve hogi.

Long Tail Keyword Use Karo

Aap hamare blog ke kisi bhi post ke title ko dekh sakte ho hum hamesa apne post me long title use karte hai or isi ko long tail keyword kaha jata hai. Chaliye ek example ki jariye aapko samjhate hai ki long tail keyword ka kya role hota hai.Search Engine Se Traffic Nahi Mil Raha Kya Karu ? Smart Tips in Hindi

Agar blog kaise banaye keyword ko me google me search karta hu to mujhe 5 lakh 3 hajar result show hote hai , iska matlab ye hai ki 5 lakh 3 hajar aise blog or website hai jisme blog kaise banaye keyword maujud hai..

Search Engine Se Traffic Nahi Mil Raha Kya Karu ? Smart Tips in Hindi

Or agar me apne keyword ko thoda lamba likh ke yani ki blog kaise banaye ki jagah pe blog kaise banaye Hindi me likh ke google me search karta hu to mujhe 4 lakh 36 hajar result show hote hai. Matlab saf hai agar aap long tail keyword use karte ho to usme competition kam rehta hai or blog post search engine par jald rank karne lagta hai.

Search Engine Se Traffic Nahi Mil Raha Kya Karu ? Smart Tips in Hindi

Jaise jaise aap apne blog post ke tilte keyword length ko long karte jaoge waise waise aapko competition kam face karna padega, kehne ka matab ye hai ki aap hamesa kosis karo ki apne post title me kam se kam 8 word ho, taki aapka post ka competitor kam ho or wo search engine me jald accha rank hasil kar sake.

Agar aapka post search engine ke first page me show hone laga to aapke blog ki search engine traffic improve ho jayegi.

Spelling mistake na rahe

Bahut se blogger apne blog me post likhne ke bad usay directly publish karte hai, agar aap aisa karte ho to me 101% dawe ke sath keh sakta hu ki aap apne blog post me bahut spelling mistakes karte hoge, ek bar apne blog ke kisi bhi post ko read karke dekh lijiye aapko pata chal jayega.

Jaisa ki maine kaha ki search engine me wahi blog post rank kar pata hai jo informative hote hai, or agar aapke blog post me bahut spelling mistakes hai to post informative nahi kahlata.. Isliye aapko apne blog post me sabhi spelling mistakes ko sudharna chahiye or blog post publish karne se pehle usay ek bar read kar lena chahiye, taki koi bhi spelling mistake na ho.

Social network pe apne post ko share kare

Har blogger apne blog post ko publish karne ke bad usay apne social network par jarur share karta hai, or new post hone ki wajah se usme search engine traffic aati nahi hai or agar aise me aap apne blog post ko apne social network par share karte ho to aapke blog par social traffic aati hai..

Lekin kya aapko pata hai ki search engine me apne blog ko rank karne ke liye hume apne blog post ko social network par share karna bhi jaruri hai. Ji haan , agar aap apne blog post ko soical network par share karte ho to search engine ussay social signal leti hai to aapke blog post ko jald se jald apne search result me show karne lagti hai.

Old post ko update karo

Har blog me aise top ten post hote hai jisme sabse jyada traffic aati hai or jiski search ranking bahut acchi hoti hai. Bas aapko apne usi blog post update karna hai. Apne blog ka search engine traffic improve karne ka sabse accha tarika hai ki aap apne blog ke popular post ko update kare.

Aapke blog me jitne bhi popular posts hai wo already search engine me accha rank karte hai or unhi post ko update karke aap wo sabhi post ka search engine ranking or bhi improve kar sakte ho jissay blog par search engine traffic improve hoti hai.

Blog post ko update karne ka matlab ye nahi hai ki aap apne blog post ke text ko color, bold, italic karo.. Blog post update karne ka matlab ye hai ki aap apne post me additional information add karo ya fir aapne jo information di hai usay enhance karo. Bas itna hi aap karke dekho me guarantee ke sath keh sakta hu ki aapke blog ka search traffic jarur improve hoga.

Conclusion

Overall agar aapko apne blog ki search engine traffic badhani hai to aapko –

In sabhi point me se sabse importent or jaruir point hai high quality content, agar aapke blog post me quality nahi hai to aap chahe jitna bhi kosis kar lo aapke blog me search engine traffic kam hi aayege.. To friends aaj ka hamara post aapko kaisa laga hume comment ke jariye jarur bataye, or aapke blogging se related koi doubt hai to aap humse comment ke jariye puch sakte hai.. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

8 thoughts on “Search Engine Se Traffic Nahi Mil Raha Kya Karu ? Smart Tips in Hindi

  1. काफी अच्छी पोस्ट है। आपके द्वारा बताए गए तरीको का मैं भी इस्तेमाल करूंगा।

  2. bhai mai v wordpress par abhi aaye 2 mahina ho chuka hai mera blog ka post he index nhi ho raha hai kya kare 344 post publish kiya hun lekin abhi 2 mahina me bas 42 post he publish hua hai .sitemap v submit kiya hun fir v index nhi ho raha hai asamsjh nhi aaraha hai kaha kya problem hai,traffic v bilkul 00 hai …blogger par tha traffic yaha nhi aatha haiu kyu ki post search result me show nhi karta hai .

Leave a Reply

Your email address will not be published. Required fields are marked *