Social Media Sites Par Apne Blog Ko Kaise Promote Kare ?

Posted on

579 total views, 3 views today

Social Media Sites Par Apne Blog Ko Kaise Promote Kare ? Hello friends aaj hum aapko batayenge ki social sites par blog promote karne ka sabse accha tarika kya hai. Jaisa ki aap sab jante ho ki har ek blogger apne blog post ko apne social network par share jarur karta hai jissay uske blog par social traffic aati hai. Apne blog post ko social sites par share karne ka main maksad yahi hota hai ki kaise apne blog post ko jyada se jyada logo tak pahuchaya jaye or usay promote ki jaye.

Jab bhi social media ki baat aati hai to sabse pehle Facebook ka hi naam liya jata hai or apne blog ko promote karne ke liye Facebook se behtar koi or platform nahi hai. Facebook ke alawa bhi aap apne blog post ko Google+, twitter, Reddit me share kar sakte ho..

Social Media Sites Par Apne Blog Ko Kaise Promote Kare

Facebook or Google+ aapko apne blog se related page or groups banane ki facility deta hai isliye facebook or google plus hi sabse best social site hai jaha aap apne blog ko promote karke bahut acchi traffic hasil kar sakte ho. Or aaj hum in dono ke hi bare me baat karenge. Lekin sabse pehle aapko ye janna behad jaruri hai ki blog ko social site par promote karne se kya fayda hota hai..

Blog post ko social site par promote karne ke fayde ?

  • Article publish karne ke bad usay search engine me aane me samay lagta hai , lekin agar aap apne blog post publish karne ke bad directly usay apne social network par share karte ho to us post ko read karne ke liye visitors aate hai jissay aapka new post socially circulate hone ki wajah se aapke blog ka traffic increase hota hai.
  • Agar aap apne blog post ko search engine par promote karte ho to search engine aapke blog post se social signal leta hai or aapke blog post ko apne search result me bahut jald index karta hai..
  • Socially aapka blog popular hota hai, logo ko aapke blog ke bare me jankari hoti hai jissay aapka blog ki trust value improve hoti hai.
  • Agar aapne apne social network par aisa post share kiya hai jisay log pasand kar rahe hai to log aapke post ko apne friends circle me share jarur karnege or aise me aapka post viral bhi ho sakte hai. Or aap andaja laga sakte ho ki ek viral post aapke blog ko raato raat kitna popular bana sakta hai.

To friends ab aap samajh hi gaye hoge ki aapko apne blog post ko social site par kyu promote karna chahiye.. Me ek example ke jariye aapko samjhata hu ki social site aapke blog ke liye kitna helpful  ho sakta hai..

EXAMPLE – Maan lijiye ki aapne apne ek blog post ko apne social network par share kiya or jab aap next day apne post ko dekhte ho to wo social site me viral ho gaya hai to aapko kya lagta hai ki agar aap usi post ko Google me search karoge to kya hoga ? Exactly aapka post google ke top search result me show hone lagega.. THIS IS CALLED POWER OF SOCIAL SHARING TO GET TOP SEARCH RANK.. lekin me ye nahi kehta ki aapka blog post viral hoga , par itna to ho hi sakta hai ki koi ek usay like kare.. Isi ko kehte hai social signal jo aapke blog post ki popularity ko batata hai jissay search engine aapke blog post ko rank karti hai.

To friends ab aap puri tarah samajh gaye hoge ki social site par apne blog ko promote karne se kitna benefits mil sakta hai. To chahiye ab aapko batate hai ki blog post ko social sites par promote karne ka tarika kya hai ?

Social Media Sites Par Apne Blog Ko Kaise Promote Kare ?

Jaisa ki maine pehle kaha ki hum aapko Facebook or Google+ ke jariye kaise apne blog post ko promote karte hai uske bare me batayenge, or ye aapko bhi pata hai ki in dono social sites me aapko bahut se option milte hai apne blog ko promote karne ke. To chaliye sabse pehle aapko batate hai ki Facebook ke jariye kaise apne blog ko promote kiya jaye or iska sahi tarika kya hai ?

Facebook me kaise apne blog ko promote kare ?

Apne blog ka Facebook page banaye

Agar aap blogger ho to aap jarur apne blog ka facebook page banaye hoge or apne new post ko promote bhi apne fb page par karte hoge. Lekin sirf apne blog post ko apne fb page par share karne se kuch nahi hoga aapko apne fb page ke liye likes or followers chahiye honge.

Sabse pehle aap apne fb page ko acche se design karo taki jo bhi aapke fb page par visit kare wo dekhte hi pehchan jaye ki aap apne fb page par kya share karte ho. Starting me aapko apne fb page par post share karne ki jarurat hi nahi kyonki us time aapke fb page me koi like or followers nahi hote. Aapko apne fb page me post, photos , short articles or viral news share karna hoga taki jyada se jyada log aapke fb page ko like kare.

Fb page aapko ek platform deta hai taki aap apne content ek hi jagah par share kar sako. Aise me agar aap apne fb page me sirf apne blog post ko promote karoge to koi bhi aapke fb page ko like karna pasand nahi karega.

Sabhi blogger yahi galti karte hai ki apna fb page to bana leta hai lekin apne fb page ko promote hi nahi karte. Agar aap apne fb page ko promote nahi karoge to aap kuch bhi post apne fb page me kar lo uska koi fayda nahi hone wala. Isliye aapko apne fb page like improve karne ke liye apne friends , relatives ko invite kare or unse kahe ki wo bhi apne friend circle me aapke fb page ko promote kare.

Aap apne fb page like improve karne ke liye apne blog me fb like box ya fir fb popup like box widget add kar sakte ho. Jab aapke fb page me 200 likes or followers ho jayenge tabhi aapko iska result pata chalega.. Isliye starting me aapko apne fb page par blog post promote karne ke bajaye apne fb page ko promote karna hota hai.

Chaliye maan lete hai ki aapke fb page me 200 se jyada like hai to ab aap kya karoge ? kya aap apne fb page par daily ek new post share karoge ? Ji haan aap apne fb page par apne blog ka post share kar sakte ho lekin iske liye bhi aapko kuch baato ka dhyan rakhna hota hai jaise –

  • Apne fb page me post share karne ka ek fixed time set kare or usi time me aap post share kare, taki aapke fb page followers ko pata chal sake ko aap kab post publish karte ho.
  • Odd time me post share na kare. Jaisa ki agar aap raat ko apne fb page me koi post share karte ho to uska koi fayda nahi hoga, kyonki raat ko bahut kam log hi apne fb par active rehte hai.
  • Agar aap aapne fb page par sirf apne blog post ka link hi share karoge to aapke fb page followers irritate ho jayenge or aapke page ko ignore karne lagenge or ho sakta hai ki wo aapke page ko unfollow or dislike karne lage. Aise me aapko hamesa ye kosis karni chahiye ki aap apne fb page me photos, jokes, questions, status or poll share karo. Taki log aapke fb page ko like kare or wo apne friends ko page like karne ke liye recommend kare.
  • Agar aapko apne fb page par post share karne me problem hoti hai to aap scheduled posting kar sakte ho, taki aapne jo post apne page par share kiya hai wo automatic scheduled time ke hisab se post hota rahe.
  • Apne fb page ke followers se interact karo, taki unhe aisa nahi lagna chahiye ki aap sirf apne fayde ke liye page banaye ho.

In sabhi point ko aapko follow karna hai taki aapka fb page ko log pasand kare or jab bhi aap apne fb page par apna koi article share karo usay log read kare.

Apna Facebook Group Banaye

Ye bahut hi effective tarika hai apne blog post ko promote karne ka. Agar aapke friends list me bahut jada friends hai around 1k+ to aap apne blog se related ek fb group banao or apne sabhi friends ko usme add karo, aapke friends circle me bahut se aise friends jarur honge jo aapki baat mante honge, bas unhi friends ko kahiye ki wo apne friends ko aapke group me add kare.. Me guarantee ke sath keh sakta hu ki 1 hafte me aapke group me 5k se jada members ho jayenge..

Chaliye aapne apna fb group bana liya or aapko aapne group ke liye bahut sare members bhi mil gaye. Ab aapko apne blog ka wo post promote karna hoga jo sabse popular hai.. Popular post ko sabhi read karte hai, or agar aap apne group me apne popular post ko promote karoge to aapke blog ka traffic kitna badh jayega ? ye aap andaja laga sakte ho.

Facebook group me sabhi members ek dusare se interact karte hai or apna post bhi share karte hai , jissay aapke fb group ko success hone me samay nahi lagta. Bas aapko unhi baato ka dhyan dena hoga jiske bare me maine aapko FACEBOOK PAGE post share karne ke doran bataya hai.

Facebook Group Join Kare

Aapko Facebook me aapke blog topic se related bahut se aise group mil jayenge jisay aap join karke apne blog post ko promote kar sakte ho. Bas aapko apne blog se related group search karna hai or usay join karna hai.

Maan lijiye ki aapne 10 group ko join kiya hai, to jab bhi aap koi new post publish karo usay apne sabhi groups me share karo. Issya ye hoga ki aapke blog ki traffic improve hogi or aapke post ko regular read karne walo ki sankhya badhegi.

Google+ me kaise apne blog ko promote kare ?

Facebook or google + ek jaisa hi hai , facebook me aap page or group create karte ho to google+ me aap collection page or community banate ho. Facebook or Google+ me post publish karne ka tarika lagbhag ek jaisa hi hai, bas aapko apne social network ko strong karna hoga..

  • Google+ me apna ek collection page create kare or apne blog post ko waha par promote kare.
  • Jaisa ki aap Facebook me group banate ho thik waise hi aap Google+ me community create kar sakte ho jisme aap apne google follower ko add kar sakte ho. Community page me apne blog post ko promote karo.
  • Aap google+ me aise community ko join karo jo aapke blog topic se related ho wo us community me apne blog ko promote karo.

Friends aaj humne aapko social site par blog promote karne ka tarika bataye hai or isi tarike se aap apne blog ko promote kar sakte ho lekin sirf social media par blog promote karna hi kafi nahi hota, aapko apna ek social network banana hoga jo ki aap fb page, fb group, g+ community or g+ collection ke jariye kar sakte ho. Aapko sabse pehle apne social network ko strong karna hoga tabhi aap apne blog ko acche se social media par promote kar sakte ho.

Social network banane ka matlab hota hai ki jyada se jyada log aapko follow kare or agar aisa ho gaya to samajh jaiye ki aap jo bhi blog post apne social network par share karoge wo accha perform karegi.

Ummid karta hu ki aapko social media promotion se relatd sabhi doubt clera ho gaye honge. Agar aap humse kuch puchna chahte ho ya fir aapko hamari ye post acchi lagi to hume comment jarur kare. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

6 thoughts on “Social Media Sites Par Apne Blog Ko Kaise Promote Kare ?

  1. बहुत अच्छी जानकारी युक्त यह पोस्ट है.मैं भी जल्द ही Facebook Group शुरू करता हूँ.मुझे ट्रैफिक Search Engines से कुछ मात्रा में मिल जाता है.लेकिन Google+ और Facebook से बहुत Traffic प्राप्त होता है.जो मेरा होंसला बनाये रखता है जिससे मैं Blogging को लगातार कर पाने में समर्थ हूँ.

    1. Thanks majkabeen, google plus me group create nahi kiya jata balki community create ki jati hai. Aap apne google plus account me jaye or communities par click kare , fir add NEW COMMUNITY oar click karke community create kare.

  2. सोशल मीडिया पर अपने ब्लॉग को फ्री में प्रमोट करने के लिए बढ़िया पोस्ट शेयर किया है आपने

Leave a Reply

Your email address will not be published. Required fields are marked *