Successful blogger kaise bane ? Hindi me full guide

Posted on

Successful blogger kaise bane ? Hindi me full guide…  Jab blogging ki baat aati hai tab hum un bloggers ke bare me discuss karte hai jinhone blogging ko apna carrier bana liya hai. Or unhi successful blogger se inspire ho kar hum apna khud ka blog bana lete ha or unki tarah success hone ke liye din-raat blogging me time laga dete hai. Par kya sirf blogging ko time dene se hi aap ek successful blogger ban paoge ? Aaj hum aapko apne is article me batayenge ki ek successful blogger banne ke liye aapko kya karna padega or blogging me zero se hero tak ka safar kaise pura kare ?

Successful blogger kaise bane

Friends ek blog ke jariye aap apne thinking or experience duniya ke sath share kar sakte ho, ye ek aisa platform hai jisme na jane kitne log isay apna carrier bana chuke hai or acchi khasi earning bhi kar rahe hai. Lekin ek successful blogger banane se pehle aapko ye janna hoga ki ye successful blogger hota kya hai ?

Aakhir ye successful blogger hota kya hai ?

Success ka matlab hota hai कामयाबी, kamyabi kisi kaam ki. Agar aap kisi kaam ko karne me success ho jate ho to aap kamyab kehlaoge. For example – Agar aapne koi exam diya hai jisme aapne top kiya hai to aap successful kahlaoge, lekin agar aap apne exam me sirf pass huye ho to aap success ho lekin aapne utni mehnat nahi ki jissay aap pure school famous ho jao.

Blogging bhi thik usi tarah hai agar aap apne blog ko itna behtar banate ho jissay aapke blog ka koi competitor na ho to aapka blog successful hai or isi wajah se aap successful blogger kahlaoge. Tab aapki blog aapki pehchan ban jayegi, aapko log aapke blog ke jariye pahchanege..

Par aaj ke samay me blogging karna itna aasan nahi, blogging me bhi bahut competition hai, kisi dusare blog ko piche chhodane ke liye aapko us blog se behtar or kuch naya likhna padega..

Mujhe kuch din pehel ek comment aaye ki ” aaj kal to anpad log bhi blog bana rahe hai ” ye comment read karne ke bad mujhe thoda confusion hua , fir jab maine apne past par najar dali to mujhe yakin ho gaya ki ye sach hai.. Jab maine blogging ki suruwat ki thi tab mujhe bhi kuch nahi aata tha, main bhi kisi dusare blog se inspire hoke blog banaya tha… Tab mujhe itna pata tha ki mujhe bhi apne blog ko us level tak le jana hai jaha ek successful blogger ko hona chahiye..

Lekin us samay mujhe blogging ke bare me kuch pata hi nahi tha ki kaha se start karu or kis topic par article likhu.. Jaise jaise blogging ke bare me janta gaya , blogging karne mujhe accha lagne laga… or as a result blogging mera passion ban gaya..

Friends blog ke jariye aap name or fame dono hi hasil kar sakte ho.. or apne blog ke jariye successful blogger ke list me apna naam enter karwa sakte ho..

Successful blogger kaise bane ?

Ye sawal har ek newbie blogger ek mind me hota hai ki kaise ek successful blogger bane.. To ye sawal aap apne aapse karo ki aap aisa kyon chahte ho ?

  • Kya aapko apne blog or article ke jariye famous hona hai ?
  • Ya fir aapko apne blog ke jariye bahut paisa kamana hai ?

Agar aapka jawab hai ki aapko khub paisa kamana hai to aap blogging me kabhi success nahi pa sakte.. Kyon ki blogging me success pane ke 4 rules hote hai..

  1. Interaction
  2. Dedication
  3. Patience
  4. Identity

Aaiye in charo rules ko clearly samajhte hai..

1. Interaction

Maan lijiye ki aapne apna ek blog banaya hai jisme aap daily ek new article publish karte ho jo ki interactive nahi hai, to aapke article ko read karne wale visitors aapse interact nahi kar payenge. Interactive article ka matlab hota hai ki aisa article jisay read karne ke bad log comment kiye bina reh na sakte ya fir aapse comment ke jariye koi sawal kare.. Comment sabse behtar medium hota hai apne blog par aane wale visitors ke sath interact karne ke liye..

Isliye wahi blog success ho pata hai jo hamesa apne blog par interactive article publish karte hai. Ek quality article ko aap interactive article bhi kah sakte ho, aisa article jissay kisi ka bhala ho ya kuch naya sikhne ko mile.

2. Dedication

Ek blog ko long time run karne ke liye dedication ka hona bhi bahut jaruri hai.. Kya ap apne blog me aise content publish kar rahe ho jo already kisi dusare website me aapse behtar hai ? agar haan to aap apna samay barbad kar rahe ho.. Aapke blog me koi kyon aayega jisme information ke naam par adhuri jankari available hai.. Apne blog ke prati or blog par aane wale visitors ke prati aapko hamesa dedicated rehna hoga..

Dedication ka matlab ye nahi ki har din ek naya post publish kiya jaye, dedication ka matlab hota hai ki aap apne blog me jo bhi article publish karo wo unique or quality wala ho, jissay logo ke unke swalo ka jawab mil jaye or wo aapke blog se satisfy ho jaye.

Quality article kaise likhe iske bare me humne apne previous post me already bataye hai usay jarur read kare. Or rahi baat uniqueness ki , to uniqueness ka matlab ye nahi hota ki jo article pehle se internet par available hai us par aap article na likho. Unique article ka matlab hota hai behtar article, jiska description kisi dusare article ke comparison me behtar ho.

For example – Maan lijiye ki aap ek article likh rahe ho jiska topic hai Online Aadhar card kaise register kare ? To kya aap is article me kuch alag procedure likhoge  ? Nahi , online aadhar card registration karne ka ek hi procedure hota hai, par aap apna article kaise present karte ho wo depend karta hai. Aapka article presentation unique hona chahiye.

3. Patience

Patience hone bhi behad jaruri hai.. Ek blog me accha traffic (visitors) aane ke liye lagbhag 6 mahine ka samay lagta hai.. Par hamare kuch blogger bhai sochte hai ki aaj ek blog bana do or dusare din hi bahut sare visitors blog par aa jayenge.. Kuch to aise bhi hai jo ye soch kar dukhi ho jate hai ki unke blog par koi comment nahi karta.. Ye chote-chote obstacles blogging ke doran hamare samne aate hai jisay hume patience ke sath handle karna padta hai..

Lekin mostly blogger apne Adsense account disapprove hone ke chalte apna patience kho dete hai or blogging karne me unka maan nahi lagta.. or wo blogging me success pane ki bajaye failure ho jate hai.

Agar aapko blogging me success pana hai to aapko bhi patience rakhna sikhna padega. Wo kehte hai na sabr ka fal mitha hota hai.

4. Identity

Agar aapke blog me interaction, dedication or patience hai to aapke blog ko ek identity milti hai jiski wajah se log aapke blog ko like karne lagte hai. Or ultimately aapke blog ke jariye aapki identiy ban jati hai. Agar aap upar ke 3 rules ko follow karoge to aapki identity bannane me der nahi lagegi.. Aapka blog famous hone ke sath-sath aap ek successful blogger kahlaoge.

Friends in  rules ko follow karne ke bad hi ek blogger successful blogger ban pata hai. Yaha me apni real experience aapke sath share karna chahunga –  Jab maine blogging ki suruwat ki thi tab mujhe blogging ke liye utna samay nahi milta tha, kyonki as a engineer main din bhar apne job me laga rehta tha, bas raat ko kuch ghante milte the mujhe blogging kerne ke liye..

Daily raat ko 2-3 ghante blogging karne par meri din-bhar ki thakan gayab ho jati thi.. Mere ghar wale mujhe pagal kahte the kyonki dinbhar job me busy rehne ke bad der raat tak blogging karte dekh unhe gussa aata tha..

Lekin unhe ye nahi pata tha ki mujhe blogging karna bahut accha lata hai, dhire-dhre blogging mera passion ban gaya..  Main hamesa aise hi content publish karta tha jo logo ke sath mujhe connect kare..

Jab blogging karte huye 6 mahine bit gaye tab maine Adsense ke liye apply kiya, but bad luck Adsense disapprove ho gaya.. Tab maine ek aim set kiya ki Adsense approve karwana hai.. Me blogging continue karte huye fir se 2 bar Adsense ke liye apply kiya par fir wahi disapproved. 3 bar Adsense disapprove hone ke bad bhi maine blogging karna nahi chhoda or ultimately 4th time jab maine Adsense ke liye apply kiya tab wo approve ho gaya..

Maine apne blog me interaction, dedication, patience or identity sabhi ko ek sath rakhte huye aage badhta gaya.. Or aaj bhi jab me apne blog par koi naya article publish karta hu to yahi ummid hoti hai ki kaise apne visitors ko satisfy kar saku..

Friends blogging karna bahut hi aasan hai , or issay aap bhi kar sakte ho.. Par sart ye hai ki aap un sabhi rules ko follow kare jissay aap ek successful blogger ban jao, kyon ki jab tak aap race me hissa lete rahoge tab tak aapke 1st aane ke chances rahenge… HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *