SWIFT BIC Code kya hai or apne bank ka SWIFT BIC Code kaise pata kare ?

Posted on
Smart2Blogging Wish You Happy Diwali Click Here

609 total views, 3 views today

SWIFT BIC Code kya hai or apne bank ka SWIFT BIC Code kaise pata kare ? Agar aapne apna Adsense account banaya hai to aapko apna bank detail Adsense ke sath link karne ke liye aapko apne bank details Adsense me add karna hota hai. Bank information add karne ke doran humse hamare bank ka IFSC code or SWIFT BIC code pucha jata hai. IFSC code to aap easily apne bank passbook ya fir bank me ja kar pata kar sakte ho, lekin jab baat aati hai SWIFT BIC code ki to iske bare me sahi information na hone ki wajah se hume apne bank ka SWIFT BIC code nahi mil pata or hum confuse ho jate hai ki ab kaise apne bank ka SWIFT BIC code pata kare.

SWIFT BIC Code kya hai or apne bank ka SWIFT BIC Code kaise pata kare ?

Jab mera Adsense account approve ho gaya tha or jab me apne bank detail ko Adsense me add kar raha tha tab mujhe SWIFT BIC code ke bare me pata chala, or ye kya hai mujhe nahi pata tha. Tab maine apne bank me ja kar iske bare me pata kiya to unhe bhi iske bare me nahi pata tha.. At last maine apne bank ke customer care me call karke pata kiya to unhone kaha ki apne bank branch me ja kar pata karo. Yaar me bahut confuse ho gaya tha ki SWIFT BIC code ke bina Adsense payment hi nahi karega, ab me kya karu.

Tab maine SWIFT BIC code ke bare me sabhi information lene suru kar diye. Aaj hum apne ish post ke jariye aapko SWIFT BIC code ke bare me wo sabhi jankari dene wale hai jissay aap clearly samajh sako ki SWIFT BIC code hota kya hai or in the end aap khud apne bank ka SWIFT BIC code pata kar sakte ho. To friends sabse pehle aapko ye bata dete hai ki SWIFT BIC code aakhir hota kya hai.

SWIFT BIC code kya hai ?

Aapko apne bank ke IFSC code ke bare me to pata hi hoga, India me kisi bhi Bank ko identify karne ke liye IFSC code ka use kiye jata hai. Har bank ka apna ek unique IFSC code hota hai. IFSC code ki help se hum INDIA me kisi bhi bank ko paisa de ya fir le sakte hai. Lekin jab baat aati hai International transaction ki to hume SWIFT BIC code ki jarurat hoti hai.

SWIFT BIC code ko Bank Identification Code bhi kaha jata hai jo Internationally aapke bank ko identify karne me help karti hai. SWIFT BIC code ki help se hi hum kisi ko bhi apne bank ke jariye internationally paise bhej ya receive kar sakte hai.

Agar Adsense ki baat ki jaye to Adsense Wire transfer ke jariye hi hume pay karti hai. Adsense hume dollar me pay karti hai or International transaction se hi hume apne bank me paisa milta hai. Agar hum apne bank ka SWIFT BIC code Adsense ko batate hai to Adsense easily hamare bank me hamara payment send kar deti hai.

Humne apne previous post me aapko bataye tha ki kaise apne bank detail ko Adsense me fill karte hai, aap us post ko bhi jarur read kare taki aap sahi se apna bank detail adsense me add kar sako.

International transaction ke jariye hi hume apna Adsense Payment milta hai or International payment hasil karne ke liye hume apne bank ka SWIFT BIC code adsense me ad karna hi hoga. Friends ab aap samajh hi gaye hoge ki SWIFT BIC code hota kya hai, ab chaliye aapko batate hai ki SWIFT BIC code dikhne me kaisa hota hai.

SWIFT BIC Code kaisa dikhta hai ?

Aap kisi bhi SWIFT BIC code ko dekh kar hi bata sakte ho ki ye code kis bank ka hai or ye bank kaha par hai.

SWIFT BIC Code kya hai or apne bank ka SWIFT BIC Code kaise pata kare ?

SWIFT BIC code me aapke bank ke details hote hai jaise –

1. BANK CODE – Ye 4 digit ka code hota hai jo aapke bank ke bare me batate hai.

2. COUNTRY CODE – Bank code ke bad 2 digit ka aapka country code hota hai.

3. LOCATION CODE – Location code aapke bank ka location define karti hai ki aapka bank kis location me hai.

4. BANK BRANCH CODE – Aakhri ke 3 digit hamare bank ka branch code batati hai.

To friends ab aap ye to easily bata sakte ho ki kaise ek SWIFT BIC code ko read kiya jata hai or aap SWIFT BIC code ko dekh kar hi ye bata sakte ho ki ye code kis bank or kis country ka hai.

Jab hum apne bank ke SWIFT CODE pata karte hai to hume apne bank ka SWIFT code nahi milta, or iski wajah ye hai ki har bank branch me SWIFT code nahi hota , yani ki har bank branch international transaction accept nahi karta.

Me aapko apne real experience share kar raha hu sayad ye aap bhi face kar sakte ho – Jab me puri tarah confuse ho gaya tha ki me apne bank ka SWIFT BIC code kaha se pata karu to maine internet par iske bare me search kiya or mujhe mere bank ke kisi dusare branch ka SWIFT CODE mila.

Jis bank ka mujhe SWIFT CODE Mila tha wo mere ghar se 400 km dur tha , ab me confuse ho gaya tha ki me apne swift code us bank ka add karu jo mere ghar se 400 km dur hai ya fir us bank me apna account open karu jo swift code deti ho.

Bahut research karne ke bad mujhe pata chala ki agar apake bank ka SWIFT BIC code nahi hai or aapke bank ke kisi dusare branch me SWIFT CODE hai to aap us code ko use kar sakte ho, or iski wajah se Adsense Payment me koi dikkat bhi nahi aati. Maine apne Adsense me apne bank ke kisi dusare branch ka SWIFT BIC code use kiya hai or mujhe Adsense ki taraf se payment bhi mil rahi hai.

SWIFT BIC Code kya hai or apne bank ka SWIFT BIC Code kaise pata kare ?

Friends ab aap confuse mat hoiye kyun ki agar aapke bank ka SWIFT BIC code nahi hai to aap apne bank ke kisi dusare branch jisme SWIFT BIC code hai usay use kar sakte ho. Aaj hum jo tarika batane ja rahe hai usay aap ghar baithe apne bank ka SWIFT BIC code pata karne ke liye use kar sakte ho. Bas aapko niche diye gaye steps ko properly follow karna hai or agar aapko kisi bhi steps ko samajhne me koi problem aayegi to aap humse comment ke jariye uske bare me bataye.

STEP – 1

SWIFT BIC Code kya hai or apne bank ka SWIFT BIC Code kaise pata kare ?

ifscswiftcodes.com website me jaye or SWIFT CODE par click kare.

STEP – 2

SWIFT BIC Code kya hai or apne bank ka SWIFT BIC Code kaise pata kare ?

Apna Country Name ke upar click kare. Me India me rehta hu isliye maine INDIA par click kiya hai, aap bhi jis country me rehte ho us par click kare.

STEP – 3

SWIFT BIC Code kya hai or apne bank ka SWIFT BIC Code kaise pata kare ?

1. Bank : Apne bank ko select kare. Jaise ki aap upar diye gaye image me dekh sakte ho ki mere bank ka naam hai UCO BANK isliye maine yaha par UCO BANK ko select kiya hai.

2. STATE – Apne state ko select kare. Aapka bank account jis state me hai usay select kare.

3. City – Aapko apni city select karni hai. Maan lijiye ki aap jis city me rehte ho us city ka naam option me nahi hai to aise me aapko jis bhi cities ka naam show hoga usme se jo aapke area ke sabse najdik wali city hogi usay select kar lijiye.

4. Branch – Yaha aapko apna bank branch select karna hoga. Jaisa ki maine aapko pehle kaha ki har bank branch ke pas SWIFT BIC code nahi hota , isliye aapko yaha unhi bank branch ka naam show hoga jisme SWIFT BIC code available hai or jo International transaction accept karti hai. Maan lijiye ki yaha aapko 3 branch ke naam show ho rahe hai to un tino me se koi sa bhi ek branch ko aap select kar lo.

5. Sabhi option fill karne ke bad aapko aapke bank branch ke SWIFT CODE ke bare me pata chal jayega. Or isi code ko aapko apne Adsense bank account detail me fill karna hai.

NOTE – Aap ye to jaan hi gaye ki SWIFT CODE kaise pata kiya jata hai, SWIFT CODE pata karne ke bad aap ek bar usay apne bank me ja kar cross check kar sakte ho ya fir apne bank ke customer care me call karke conform kar sakte ho ki jo aapne SWIFT CODE pata kiya hai wo sahi hai ya nahi. Humne aapko SWIFT CODE pata karne ka jo tarika bataya hai wo 100% accurate hai, wo aapko kabhi bhi galat code nahi batati. Fir bhi aap apne bank me ja kar cross check kar sakte ho.

SWIFT CODE se related kuch doubt

1. Agar hume Adsense me SWIFT CODE galat dala hai to kya hoga ?

Adsense aapke bataye gaye SWIFT CODE ke jariye aapko pay karegi, jo ki aapne SWIFT CODE galat dala hai to aapko payment receive hi nahi hogi or Adsense ke jariye kiya gaya transaction fail ho jayega. Aise me aapko tension lene ki jarurat nahi kyun ki transaction fail hone ke bad within 1-2 month aapke adsense account me balance fir se credit ho jati hai.

Isliye agar aapne apne adsense account me galat SWIFT CODE add kiya hai to aap payment receive hi nahi kar sakte. Agar aapko payment samay par nahi mil raha hai yani ki 21 tarike se 30 tarik ke biche me aapke bank account me payment nahi receive ho raha hai to aapko samajh jana chahiye ki aapne SWIFT CODE, IFSC ya fir Account number galat dala hai.

2. Maine jis bank ka SWIFT BIC code Adsense me add kiya hai kya payment receive karne ke liye us bank me jana hoga ?

Nahi, payment directly aapke bank account me aa jayegi aapko kahi jane ki jarurat nahi.

3. Jab Adsense payment transaction fail ho jaye to kya kare ?

Jab aisa hota hai to thodi tension jaru hoti hai, lekin aapne jo bank detail Adsense pe dala hai usi information ke jariye Adsense aapko pay karti hai. Agar aapka transaction fail ho gaya hai to aapko apne bank detail crosscheck check karna chahiye or ye conform karna chahiye ki aapne ko detail dali hai usme koi mistake to nahi hai.

Adsense payment fail hone ke bad 1-2 mahine ke andar aapke Adsense account me balance credit ho jati hai.

4. Bank wale ho SWIFT BIC ke bare me pata hi nahi kya karu ?

Humne jo tarika aapko bataye hai usay follow karke aap apne bank ka SWIFT BIC code pata kare or usay Adsense me use kare. Mere sath bhi aisa hi hua tha, maine bhi apne bank me or customer care me SWIFT BIC code ke bare me pata kiya to mujhe bhi koi response nahi mila. Tab maine internet ke jariye hi apne bank ka SWIFT BIC code pata kiya or usay adsense me add kiya.

Friends SWIFT BIC code ke bina aap apna Adsense earning receive hi nahi kar sakte. Agar aapko apne bank se SWIFT BIC code ke bare me koi information nahi mil rahi hai to aap bina koi tension ke humne jo tarika bataye hai usay follow kare or apne bank ka SWIFT BIC code pata kare. Agar aapke mind me koi doubt hai to aap hume comment kar sakte ho. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

4 thoughts on “SWIFT BIC Code kya hai or apne bank ka SWIFT BIC Code kaise pata kare ?

Leave a Reply

Your email address will not be published. Required fields are marked *