Web Hosting Kharidane se pehle kuch sawal mind me aate hai

Posted on

Hello bloggers, kaise hai aap sab.. Aaj hum un sabhi bloggers ko wo baatain batane wale hai jo web hosting kharidane se pehle hamare mind me aati hai or hum confuse ho jate hai. Waise maine apne previous post me already bata diye tha ki web hosting kaha se kharidana sahi rehta hai.. Agar aap web hosting kharidana chahte ho to aap us post ko jarur read kare. Lekin web hosting kharidane se pehle kuch sawal jo mind me aate hai unke bare me bhi jaan lijiye…

Web Hosting Kharidane se pehle kuch sawal mind me aate hai

Agar aap blogging me apna passion rakhte ho or aapne apna blog blogger.com me banaya hai to aap ye jarur chahte hoge ki aap apne blog ko WordPress par transfer kar le. Par apne blog ko WordPress par transfer karne ke liye aapko web hosting kahridana padta hai.

Waise me BIGROCK Hosting ko hi recommend karta hu, kyunki me bhi iski hosting use karta hu or abhi tak mujhe koi problem nahi hui. Humne apne previous post Hosting kaha se kahride me un sabhi topic par already bata diye hai jo ki hosting kahridane se pehle hume dhyan me rakhni chahiye, jaise –

  • Bandwidth
  • Disk-space
  • Server location
  • Need

Par aaj hum inke bare me nahi baat karenge, hum aapko wo basic question or doubt ke bare me batane wale hai jo hosting plan kharidane ke doran hamare mind me aati hai. To chaliye jante hai..

Web Hosting Kharidane se pehle kuch sawal mind me aate hai

Hosting plan kharidane ke liye kin kin chijo ki jarurat hoti hai ?

Hosting plan aap online buy karte ho isliye aapko hosting plan kharidane ke liye online payment karna hota hai. Agar aapke pas debit card, credit card hai ya fir aap net banking use karte ho to aap easily web hosting buy kar sakte ho.

Aaj kal UPI ke jariye bhi money tranfer hone laga hai, jo ki safe hai. Aap hosting kharidane ke liye UPI ka bhi istemal kar skate ho. Me UPI ke jariye hi online payment or hosting huy karta hu.

Hosting plan kharidane ke liye kya domain name hona jaruri hai ?

Ji haan agar aap hosting plan kharid rahe ho to aapko ek domain name buy karna hota hai taki aap apne hosting plan me us domain ko hook kar sako, matlab ki aap apne web hosting ke jariye apne domain ko attach kar sako.

Agar aapne domain name nahi kharida hai to aap web hosting kharidane ke doran hi usay bhi buy kar sakte ho. Ya fir agar aapne already apne domain name buy kar liya hai to web hosting kharidane ke doran aapko apne domain name ko dalna hota hai.

Jo log apna blog blogger.com par banate hai unme se maximum log apne blog par custom domain use karta hai, yani ki ek domain name kharid kar apne blogspot blog me use karte hai. Lekin jab wo apne blog ko WordPress par transfer karte hai to unhe web hosting ki jarurat hoti hai, jo ki unhone apne domain name pehle se hi buy kar liya hai isliye unhe web hosting kharidane ke doran fir se domain name buy karne ki jarurat nahi hoti.

Kya bina domain name ke web hosting kharid sakte hai ?

Nahi ye possible nahi hai, kyunki aap web hosting isliye buy karte ho taki aap apne domain name ke jariye website ya blog create kar sako. Agar domain name hi nahi hoga to aap web hosting buy hi nahi kar sakte, kyunki web hosting kharidane ke doran aapse pucha jata hai ki agar aapke pas domain name hai to fill kare ya fir domain name buy kare.

Web hosting kharidane se kya hota hai ?

Web hosting ko aap ek memory card ki tarah samajh sakte ho jisme aapka blog data store hoke rehta hai. Blogger.com par bhi aisa hi hota hai lekin blogger.com free hai. Lekin agar aapko apne blog ko WordPress par transfer karna hai to WordPress ko run karne ke liye web hosting ki jarurat hoti hai, yani ki ek memory card ki jarurat hoti hai jisme hum WordPress ko install karte hai. Web hosting me WordPress install hone ke bad hum apna blog WordPress me banate hai.

Web hosting kharidane ke bad kya hota hai ?

Web hosting kharidane ke bad aapko email ke jariye cPanel ka id, password or link (URL) diya jata hai. cPanel link ko open karne par aapko diye gaye id or password ke jariye login karna hota hai. cPanel ko aap apna personal file storage samajh sakte ho jaha par aapko WordPress install karna hota hai.

Overall web hosting kharidane par aapko ek particular cPanel link, id or password diya jata hai.

Web hosting or domain name ek sath kharidane par kya hota hai ?

Web hosting ko kharidane ke doran aapse domain name pucha jata hai agar aapke pas already domain name hai jisay aapne buy kar liye hai to aap directly apne domain name fill karke web hosting buy kar sakte ho. Lekin agar aapne pehle se koi domain name nahi kharida hai to web hosting kharidane ke doran aap domain name bhi buy kar sakte ho.

Yani ki aap web hosting or domain name ko ek sath kharid sakte ho. Lekin aapko dono ko alag alag renew karna hota hai, for example – Maan lijiye ki aapne 1 saal ke liye web hosting or domain name buy kiya hua hai to ek saal bad aapko dono ko fir se renew karna padega wo bhi alag alag. Matlab ki jab aap web hosting ke sath domain name buy karte ho to aap dono ke liye ek sath pay karte ho, lekin jab aap in dono ko renew karoge to aapko in dono ko alag alag renew karna hota hai, aap ek sath dono ko renew nahi kar sakte.

Domain name expire nahi hua hai lekin web hosting expire ho gai hai, aise me kya hoga ?

Maan lijiye ki aapne ek domain name ke jariye web hosting kharidi hai or wo domain name expire nahi hua lekin web hosting expire ho gai hai , to aise me aapka pura site down ho jayega. Matlab ki jab bhi koi aapke domain name ko browser me type karega tab usay error show honge or aapka site nahi dikhega.

Domain name ke jariye sirf site ko visit kiya jata hai lekin domain name ke jariye jo data milti hai wo web hosting hi provide karti hai, or agar web hosting hi expire ho jayegi to data kaise show hoga.

Web hosting expire nahi hua hai lekin domain name expire ho gai hai, aise me kya hoga ?

Aapki site open nahi hogi. Kyunki aapke site date ko access karne ke liye jo link hai wo expire ho chuki hai, yani ki wo link ab work nahi kar rahi.

Site down na ho iske liye domain name or web hosting active hona jaruri hai kya ?

Upar diye gaye dono points ko read karne ke bad aap itna to samajh hi gaye hoge ki domain name or web hosting jab tak active rahenge tab tak site load hone me koi problem nahi hogi. Lekin in done me se ek bhi agar expire ho gaya to samajh lo aapki site down ho gai.

Web site expire hone ke bad hume backup kaise milegi ?

Agar aapke web hosting expire ho gaya hai or aapko apne site ki backup chahiye to aapko apne web hosting company se contact karna chahiye wo aapko aapke site ka backup de degi.

Web hosting expire hone se pehle koi notification milti hai kya ?

Aapne jis web hosting company se hosting plan buy kiya hai unke website me jakar or apne account me login karke aap dekh sakte ho ki aapka hosting plan kab expire hone wala hai. Lekin agar aap bhul gaye ho , ya fir aapko yaad nahi hai ki aapka web hosting expire hone wala hai to aapne jaha se web hosting buy kiya hai wo company aapko personally call karke iske bare me information deti hai.

To friends aaj humne aapko wo sabhi doubt or question ke bare me bataye jo web hosting buy karne se pehle hamare mind me aati hai or agar aapke mind me iske alawa bhi koi question hai to aap humse comment ke jariye bataye taki hum apne is post ko update kar sake taki dusara bloggers bhaiyo ko bhi help mile. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

2 thoughts on “Web Hosting Kharidane se pehle kuch sawal mind me aate hai

Leave a Reply

Your email address will not be published. Required fields are marked *