Website blog ke page loading speed time ko kaise kam kare

Posted on

Website/Blog Ke Page Loading Speed Time Ko Kaise Kam Kare ?? Har new blogger ke maan me ye ek bahut hi bada sawal rahta hai. Kisi bhi Blog ki Page Loading Speed kitni important rahti hai ye to aap sabhi jante hi hai. Koi bhi Visitor jab aapke blog me koi post or Page open karta hai to sabse pahle uske samna aapke Page ki Loading Speed se hi hota hai aur agar aapke blog ka Page Loading Speed Time hi bahut slow hoga to wo aapka Content read kiye bina hi naraj ho kar aapke Page se chala jayega aur fir kabhi wapas laut kar nai aayega. Fir chahe aapke Blog ka Content kitna hi accha kyon na ho ye aapke mayne nahi rakhega and kuch bhi kam nahi aayega.

Isliye kisi bhi Blog ya page ke liye first thing hai uski Page Loading Speed. Agar aapke Blog ki Page Loading Speed acchi nahi hai to aapke liye us par Visitors lana ya Apne Blog par Traffic badhana bahut muskil kaam hoga or aapne khud bhi yahi dekha hoga ki jis Blog ya Page ki Loading Speed kam hoti hai or Page open hone me jyada time leta hai us par Visitors bahut kam aate hain. Or SEO ke liye bhi Aapki Page Loading Speed fast hona bahut important hai.

Website blog ke page loading speed time ko kaise kam kare image

Wese bhi jaisa ki aap sabhi jante hai ki aajkal log time ke bade paband hai unhe har Cheez ya result jaldi se jaldi chahiye. Isiliye aapke Page ki Loading Speed bhi acchi hona bahut jaruri hai. Me yaha aapko apne page ki Loading speed ko kam karne ki Tips bata raha hu agar aap in sabhi Tips ko Follow karenge to aap apne Page ki Loading Speed ko kafi had tak kam karne me Success ho jayenge.

Yaha is post me aapko apne page loading se related sabhi sawalo ke jawab mil jayenge jaise :-

  • Website Blog Ke Page Loading Speed Time Ko Kaise Kam Kare – In Hindi,
  • Page ka loading time kitna hona chahiye, how to reduce page load time,
  • page ki loading speed kaise check kare,
  • how to reduce page load time, website/blog ke Page ki loading speed kam krne ki best tips,
  • page ki loading speed kam krne ki top 10 tricks,
  • page ki loading speed kam kaise kare,
  • page loading speed ko kaise reduce kare blog ki page loading speed kam hone se kya fayda hai, etc.

Aur is post se apko apni site par traffic lane me kaafi madad milegi.

PAGE KA LOADING TIME KITNA HONA CHAHIYE ??

Aap sabhi ye to jante hi hai ki Page ki Loading Speed kisi Blog ya Page ya Visitor ke liye kitni mayne rakhti hai But ek aur question hai jo ki Bloggers ke maan me bahut jyada baar aata hai aur vo hai ki Page Loading time kitna hona chahiye ??

To chaliye aapke is question ka bhi jawab aaj hum de dete hain. Wase to sabhi Readers yahi chahte hai / ummid rakhte hai ki wo jis page ko open kar rahe hai wo kam se kam time me open ho jana chahiye. Lekin fir bhi sabka yahi manna hai ki agar aapka page 3 sec. me open ho jaye to aapke Blog ki Page Loading Speed perfect hai. But agar aapka Page open hone me 10 sec. tak ka time leta hai to bhi aapke Page ki Loading speed thik thak hai. But agar aapka Page Load hone me 10 sec. se bhi jyada time le raha hai to fir aapke page ki Loading Speed bahut hi bekar hai and maximum Visitors aapke Blog par aana Pasand nahi karenge.

For Example – Agar kisi Popular Website ki Per day Income $1,00,000 hai. Aur agar Site ki 1 year tak Loading Speed 1 sec. kam rahe to Site ko saal bhar me $2.5 Million ka loss ho jata hai.

Matlb ki Aapke Page ka Loading Time Jitna Jyada Hoga Income Utni hi kam hogi.

Aur agr aapki site Hindi me hai to jaisa ki aap jante hai India me to abhi bhi max. Internet Users 2G ka hi use karte hain so isay dekhte huye aap aapki site ki Loading Speed jitni kam ho sake utni kam karne ki kosish kijiye. Aur Aapki isi kosish me aapki help karne ke liye hum aapko kuch tips de rahe hai agar aap in sabhi ko follow karoge to aapko apni Website ka Page Loading Time kam karne ki kosish me bahut achche results milenge.

WEBSITE BLOG KE PAGE LOADING SPEED TIME KO KAISE KAM KARE – IN HINDI

Yaha Hum Aapko Apne Page ka Loading Time Reduce karne ke liye 10 Tips bata rahe hain agar ho sake to inhe jarur follow kare –

1. USE SEO FRIENDLY, RESPONSIVE BLOGGER TEMPLATE

Aapke Page ki Loading Speed ko kam / jyada karne me main role aapke Blog ya Website ke Template ka hota hai. Isiliye Blog banate samay ye jarur dhyan de ki aap kaunsa Template use kar rahe hain. Aapka Template Jitna ho sake utna Mobile & SEO Friendly hona chahiye.

Agar aapka page aapke galat Template chunne ki vajah se mobile me nahi khul raha hai ya bahut jyada slow open ho raha hai to apni is galti ko sudhariye kyonki Website ya Blog par maximum Visitors mobile ke jariye hi aate hai. Isiliye Aap Aisa Template chune jo SEO Friendly and Mobile Friendly ho Aur Responsive bhi ho.

Agar aap WordPress use kar rahe hai tab to khair aapko vaha apni Site ke liye dher sare free and SEO friendly , Mobile friendly Templates mil jayenge, But agar aap blogger (Blogspot) par blog banaye ho ho to aapko yaha free templates to milenge but vo bahut kam Responsive and SEO friendly honge. So Aap humesha in sub baato ko dhyan me rakh kar sahi Template ka chunav kare.

2. REDUCE IMAGE SIZE

Ye to hum sabhi jante hain ki kisi bhi post ya content ko samajhane ke liye Aur Google me apni post ki rank badhane ke liye Image kitni jaruri factor hoti hai and Isiliye normally har kisi post me ek na ek Image to hoti hi hai.

Jab bhi aap koi nayi post likhte hai aur usme pics upload karne ke liye photo / Image / Pics banate hai to usme ek baat jarur dhyan rakhe ki aapko apni post me sirf vahi images use karni hai jo size me bahut kam ho and jagah bahut kam gherti ho kyonki aap jitni kum size (length, width) use karenge aapke image ki size kam hogi or wo utni hi jaldi load bhi ho jayega or page ka Loading Time bhi utna hi kum hota jayega.

Isiliye Aap Images ko post par add karne se pahle resize jarur kar le. Aap apni Images ko paint, photoshop, photo editor ki help se bhi edit ya resize kar sakte hain. Aur extra images ko apni post me add karne se bache. And agar ho sake to apni Image ki size 100 KB se kam hi rakhe. Iski help se bhi aap apne Page ki Loading Time ko kafi hud tk kum kar skte hain.

3. ADVERTISEMENT / BANNER KA USE KAM KARE

Jyadatar New Bloggers Jyada Money kamane ke chakkar me bahut sare Advertiser banners apne Blog par laga lete hai unhe lagta hai ki aisa karne se unki earnings badh jayegi but vo galat hote hai, Aur isse unke Blog Page Loading time bahut jyada badh jata hai. Aur uske baad hota kya hai… Na to vo jyada kama hi pate hai aur na hi apne blog ko hit / famous kar pate hain. Aur to aur jo unke Regular Visitors hote hain vo bhi Page Loading me lagne wale jyada Time ki vajah se pareshan hokar aapke blog ko visit karna band kar dete hain Aur aap apne jo Regular Visitor the unhe bhi gava baithte hai.

Waise bhi Visitors un bloggers ko bilkul pasand nahi karte jo Visitors ke bajaye paise ke baare me jyada sochte hain or sirf paisa hi kamane ke liye blogging karte hain. Aur is wajah se aapko fayde ki jagah bahut jyada nuksan hi ho jata hai. Isliye agar aap Apne blog par Affiliate earning karte hai to Aap banners ki size ko reduce kare aur jyada bade banners use na kare. And Jyada banners bhi use karne se bache.

4. ACCHI HOSTING KA USE KARE

Agar Aap Blogger platform ka use karte hai tab to Aapko Server ki speed ko lekar koi problem nahi hogi kyonki Blogger ko Google hosting manage karti hai jo ki Duniya me no.1 par hai lekin agar aap self hosted WordPress use / start karna chahte hai to Hosting ya Domain kisi aisi Company se le jo ki humesha (24 hours) ON rahti ho matlb ki kabhi bhi jiska server down nahi hota ho. Agar aap chahe to Godaddy se hosting le sakte hai. Filhaal Godaddy ka 99 rupees wala offer kafi charcha me hai. And maximum bloggers Godaddy se hi blogging kharidate rahe hain.

5. HARD POP UP KA USE NA KARE

Jyadatar Bloggers apne Blog ke Home Page par Subscribe By Email ya fir Facebook Pop Up box add kar dete hai Aur isse hota kya hai — Aapke blog ka Loading Time bad jata hai. Or agar Page Loading time badhta hai to iska seedha asar aapke Blog ke Visitors par padega. Isliye Aap ya to Pop Up box ka use hi na kare Aur agar use karna chahte hain to pahle to us Pop Up box ki speed check kar le uske baad hi Pop Up box ka use kare.

Agar aapko koi professional PopUp use karna hai to aap uske liye Hellobar.com use kar sakte hain. yah free bhi hai and paid bhi. Aur haan iske sath hi ek aur Cheez check kar le ki aapke blog ka Popup mobile me sahi dhang se show ho raha hai ya nahi. And agar ho sake to Mobile Version me PopUp ka use band (off) ho rakhe.

6. FIRSTPAGE YA HOMPAGE PAR LIMITED POST SHOW KARE

Aap Apne homepage par Jyada posts ko show na kare kyonki agar Homepage par jyada page load honge to ve homepage ka Loading Time badhate hain, aur is vajah se visitor aapke blog se pareshan ho kar ise chod bhi sakte hain. Isiliye isko bhi aapko manage karne ki jarurat hoti hai agar aap Firstpage / Homepage me jyada se jyada posts show karenge to is reason se bhi aapke Blog ka Loading Time bad jayega.

Blogger me home page par post kaise kam kare ?

Website blog ke page loading speed time ko kaise kam kare

1. Setting par click kare.
2. Posts, comment and sharing par click kare.
3. Jitna post display karwana hai usay dale.
4. Save setting par click kare.

7. WIDGETS KAM USE KARE

Chahe to aap Blogger platform ko dekh lo aur chahe to WordPress platform ko dekh lo in dono hi platforms par ek feature sabse badiya hai aur vo hai Widgets ka. In dono hi platforms par aap Widgets ke jariye jo chahe vo apne Blog par add kar skte hain. Is feature ke jariye aap apne blog ke look ko kaafi had tak change kar sakte hain. Lekin agar aap apne blog par widgets ka kuch jyada hi use kar dalte hai to usse aapke blog ki Loading speed jyada ho jati hai. Isiliye apne page par jitna ho sake utni kam Widgets use kare. Kyonki jyada widgets use karna matlb ki apne Page ke loading time ko badhana hai.

8. REMOVE UNWANTED CSS STYLES AND JAVA SCRIPTS

Humare Blog ke templates me dher saare Unwanted and bina kaam ke Css and Java scripts hote hain jinki hume koi jarurat nahi hoti hai and vo faltu pade hote hain. Agar aapko coading ki sahi dhang se jankari hai to aap in Css and Java Scripts ko remove kar de isse bhi aapko apne blog ki loading speed fast krne me help milegi.

9. DON’T USE EXTERNAL JAVA SCRIPT

Aapke Blog me kai saare External java Widgets aise honge jinse aapke blog ki designing ho acchi lagegi lekin vo aapke Blog ki Loading speed ko kafi had tak badha dengi isliye in extra external Widgets me se jo bhi widget aapke kaam ki na ho usay aap hata dijiye isse bhi aapke Blog ki loading speed kuch hud tak fast ho jayegi.

10. REMOVE EXTRA IMAGES

Aap apni posts me jo bhi Images dalte hain vo sari Visitor ke liye useful honi chahiye agar aapko koi bhi Image aisi lagti hai ki ye visitors ke liye koi kaam ki nahi hai to aisi extra Images ko aap apne Blog / Post se Remove kar de kyonki images bhi aapke blog ki loading speed ko kaafi slow kar deti hai isliye apne blog se sabhi unwanted or extra images ko remove kr de.

PAGE KI LOADING SPEED KAISE CHECK KARE

Agar aap check karna chahte hain ki aapka page load hone me kitna Time leta hai to me aapko yaha goolge ka ek site ke bare me batane ja raha hu jaha par aap easily apne apne page ki Loading Speed check kar sakte hai.

PAGESPEED INSIGHTS

https://developers.google.com/speed/pagespeed/insights/ is website ke jariye aap pane blog ki speed check kar sakte ho. Iske liy aapko is website me jana hoga, jane ke bad aapko apne website ke url dalna hai.

Website blog ke page loading speed time ko kaise kam kare (1)

Apne blog ka url dalne ke bad aapko ANALYZE par click karna hai. Iske bad aapko apne blog ka page loading speed malum ho jayega, apko yaha bataya jayega ki aapko apne blog ki loading speed kam karne ke liye kya karna chahiye..

To friends in sabhi tips ko dhyan me rakhe or follow kare taki aapke blog ka loading speed kam ho sake. HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

11 thoughts on “Website blog ke page loading speed time ko kaise kam kare

  1. Sir, mere blog ka page load bahut jyada badh jata hai aur kabhi kabhi page load time 45 tak pahunch jata hai. Kya ise kam kiya ja sakta hai.

    1. Maine aapke blog ko visit kiya aapka blog bahut jald open ho raha hai, agar aapko aisa lagta hai ki aapka blog kabhi kabhi slow open ho raha hai to aapko apne blog me catch plugin use karna chahiye..

Leave a Reply

Your email address will not be published. Required fields are marked *