Website Ya Blogging Me Na Kare Yeh Galtiya

Posted on

Aaj ke digital yug me Blogging ya Website banana badi baat nahi hai. jaise jaise Technology aage bad rhi hai uske sath hi sath sabhi log Blogging ki disha me aage aa rahe hai. Lekin Blog ya Website bana lene ke baad use rank karana, use maintain karna ya fir yu kahe ki use niyamit chalaye rakhna har kisi ke liye aasan baat nahi reh jaati hai.

Website Ya Blogging Me Na Kare Yeh Galtiya

Din pratidin aneko Blog or Website aaj ke samay me create or delete ho rahe hai. Blogging me log jitni jaldi aa rahe hai utni hi jaldi yaha se pareshan ho kar jaa bhi rahe hai. logo ka Blogging chhorne ke peeche kaaran hai ki vah apne article ya blog ko search engine me rank nahi kra paate jiske baad pareshan ho kar Website ya Blogging ke bare me galat kehna shuru kar dete hai.

kai logo ka najariya Blogging shuru karne se pehle sirf paise kamane ka hota hai jiske liye vah ekdum se is taraf mud to jaate hai lekin is se judi bato ko smjhe bina hi hath pair maarte hai.

aaiye hum baat krte hai blogging se judi kuch khaas baato ki jise aapko hmesha hi dhyaan me rkhna chahiye taaki aap bhavishya me blogging ya website se nirash na ho.

Website Ya Blogging Me Na Kare Yeh Galtiya

Topics, Language, Content Type

Blogging ya Website banane se pehle aap apna mind set kr le ki aapne kin topics ko apni website par cover karna hai ? kis language par aap apne blog ko rkhna chahte hai ? kis tarah ka content aap apni website par visiters ko dege yaani news ya fir kuch aisa jo hmesha hi upyogi bna rhe.

Keyword in Domain Name

Topics or thodi website ke baare me outline tayar karne ke baad ap apni website ya blog ke Domain Name ke baare me soche jo us topics ke keyword se related ho. jo aapko search engine me kaafi madad krega or vyakti ko apne aap hi btayega ki yeh website kis topic se related hai.

Perfect Hosting

Domain name decide karne ke baad ek acchi hosting apne budget ke anusar dhunde or apni web ki loading speed ka dhyaan rakhe, koi bhi visitor jyada der load hone waali website par rukna pasand nahi karta.

Content Quality

Apni website host karne ke baad apne articles par kaam karna shuru kare. Dhyan rhe article km se km 1500 shabdo ka jarur likhe jo ki puri tarah se keyword research par adharit ho or idhar udhar ki baato se accha kaam ki baat par dhyan de jis se doosro ki madad ho.

Article upload krne ke turant baad yeh ummed na rkhe ki aap aaj se hi kamana shuru kar dege. aap apne kaam par dhyaan de or apni website ke liye nayi nayi cheeje dhundhte rhe.

SEO

kuch articles upload krne ke sath hi aapko apni website par SEO ki jarurat aayegi jiske liye aap youtube ya fir kisi bhi digital marketing field me expert vyakti ki madad le skte hai. lekin kabhi bhi apna kaam kisi dusre vyakti ke hatho me pura na chhore , khud bhi puri jankaari lete rhe.

Website par Sitemap , Speed , Security ka bhi dhyan rkhna behad avashyak hai. Ap jitni ijjat apni Website or Blog ko dege utni hi ijjat ap apni bnayege.

yeh sabhi points main apne anubhav ke aadhar par hi share kar raha hu kyuki hum sbhi hi blog ki shuruat me kai bdi galtiya karte hai. Blogging me aapko kaafi dhairya ki jarurat hai. Hum apni baat kre to Humne kai badi galtiya ki , jaise keywords par jyada dhyaan nahi diya humesha hi high competition keywords par focus kiya jiske karan article rank nahi hote to nirasha badti hai.

SEO ko log bahut bada dar bana dete hai, market me log SEO ke naam par kaafi paisa vasulte hai , jo ki aap agar khud kare to samay ke sath sath seekhte jaate hai or aapko kaafi aasan lgne lgta hai.

Hmesha hi apne se bade blogger or website owner se judne ka prayas kare , unki website par dekhe ki vah kis prakar apne visiters se jud rhe hai. Unse madad ke liye puchhe or apni pareshani unke sath sajha karke solution nikale.

Khud par bharosa rakhe or naye articles videos or Google ke rules ko padhte rhe, jo ki aapko aage bdhne me behad madadgar sidh hoga.

Aapke sunhere bhavishya ki kaamna ke sath aaj ke is lekh ko hum yahi viram dete hai. HAPPY BLOGGING

Author : Ashish Kumar
BLOG : HindiPanda.com

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *