WordPress blog me plugin kaise install kare ? Basic knowledge

Posted on

Agar aap apna blog WordPress me banaye huye hai to aapko ye jannan behad jaruri hai ki kaise aap apne WordPress blog me plugin install kare. Jaisa ki aap sab jante ho ki blogger.com me aap widget use karke naye-naye function apne blog me add kar sakte ho waise hi WordPress blog me aap plugins ki help se aap blog me naya function add kar sakte ho.. Aaj hum aapko isi topic me batayenge ki kaise aap apne wordpress blog par plugin install kare..

Lekin ussay pehle ye jarur jaan lo ki WordPress par plugin add karne ke fayde or nuksan kya hote hai –

WordPress pe Plugin add karne ke fayde or nuksan

Jaisa ki maine aapko bataya ki WordPress blog pe plugin add karne se hum apne blog par extra functions add kar sakte hai, matlab ki aap jo function apne blog pe add karna chahte ho usay easily plugin ke jariye apne blog par add kar sakte ho.

Lekin apne blog par jyada plugin install karne par aapke blog ki speed down ho jati hai. Agar aap apne blog pe bahut jyada plugin use karoge to iski wajah se aapke blog ka loading speed bahut badh jayega or aapke blog ko open hone me kafi samay lagega.

Maan lijiye ki aapne apne blog pe 10 plugin install kiye hai to jab bhi koi aapke blog ko open karega to sabhi 10 plugin ke script run honge or isi ki wajah se aapke blog ki speed down ho jayegi.

Isliye hamesa yahi kosis kare ki aap apne blog pe unhi plugin ko use kare jo aapko chahiye or bekar ke plugins use na kare.

WordPress blog me plugin kaise install kare ? Basic knowledge

Aap do tariko se apne WordPress blog me plugin install kar sakte ho.

  • Search karke.
  • Upload karke.

1. Plugin Search Karke Kaise Install Kare ?

1. Apne WordPress dashboard me login kare or Plugins par click kare.

2. Add New par click kare.

3. Jis plugin ko aapko install karna hai usay Search kare. Jaise ki aap upar diye gaye image me dekh sakte ho ki me apne blog me bbPress plugin install karna chahta hu isliye maine search box per bbpress likha hai.

4. Plugin search karne ke bad Install Now par click kare, Install Now par click karte hi plugin install hone lagega. Plugin install hone ke bad usay activate kare or configure setting kare..

Bas itna hi karna hai aapko. Bas yahi tarika aap follow karke koi sa bhi plugin search kar sakte ho or usay easily install bhi kar sakte ho. Install karne ke bad plugin ko activate bhi karna hota hai taki wo aapke blog par work kar sake.

Sabhi plugin ki alag alag configure setting hoti hai, aap jis pugin ko install karte ho uski configure setting me ja kar uski setting kar sakte ho.

2. Plugin kaise upload kare ?

WordPress me bahut se aise plugins hai jo saalo se update nahi huye hai par fir bhi unka use aaj bhi bahut log karte hai. Lekin jab aap aise plugins ko WordPress dashboard me search karoge to wo nahi milenge.. Tab aapko us plugin ko WordPress ke official site par search karna hota hai or usay download karna hota hai.. Download karne ke bad usay aap easily apne WordPress me unpload kar sakte ho..

Plugin upload karne ke liye aapko plugin file ki jarurat hogi jisay aap WordPress ke official website ke jariye download kar sakte ho.

Agar aap apne WordPress dashboard me aisa plugin search kar rahe ho jo aapko nahi mil raha hai to aap directly wordpress.org/plugins website me jaye or apne plugin ko search box ke jariye search kare. Aap ish website ke jariye koi sa bhi plugin search kar sakte ho or usay download bhi kar sakte ho. Plugin download karne ke bad aapko us plugin ko apne WordPress me install bhi karna hoga, chaliye iske bare me aapko batate hai ki WordPress me plugin kaise upload kiya jata hai..

1. Plugin upload karne ke liye apne WordPress dashboard pe Plugins par click kare.

2. Add New par click kare.

3. Upload Plugin par click kare.

1. Choose File par click kare or jis plugin ko install karna hai usay select kare, dhyan rahe ki aap jo plugin install karne wale ho wo .zip format me hona chhaiye.

2. Plugin select karne ke bad Install Now par click kare.

Bas itna karte hi aapka plugin upload or install ho jayega. Plugin install hone ke bad apne plugin ko install kare or uske configure setting ke jariye uski setting kare.

Friends aaj humne aapko do tarike bataye ki kaise aap pane WordPress blog me plugin install kar sakte ho. Aap bhi try kare or comment ke jariye bataye ki kya aap apne WordPress par plugin install kar sakte ho ? HAPPY BLOGGING

🚣‍♀️ Agar aapko ye article acchi lagi to isay apne social network par jarur share kare 🤓 THANKS

Leave a Reply

Your email address will not be published. Required fields are marked *